Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
POLITIKE
Xhaferri: Do të jem në çdo protestë kundër Edvin Kullës dhe çetës së tij të hajdutëve
PiranjatPërditësimi i fundit 31 Janar 2026, 21:01
Deputeti i Partisë Demokratike, Besart Xhaferri ka reaguar pas lajmeve për praninë e tij në protestën e organizuar nga ‘Shqipëria Bëhet’ para kryeministrisë.
Sipas Xhaferrit ai do të marrë pjesë në çdo protestë kundër Edi Ramës, bandës së hajdutëve dhe trafikantëve.
Reagimi i plotë i Besart Xhaferrit:
Sot, si deputet i Kuvendit të Shqipërisë, iu bashkova protestës së partisë ‘Shqipëria Bëhet’, për shkak se është një protestë që bëhet kundër njeriut që e ktheu Shqipërinë në një narkoshtet, ku vidhet vota, lulëzojnë kartelet e drogës dhe ku rinia ikën nga sytë këmbët për të mos u kthyer më kurrë.
Ashtu si aktivistë të kësaj force politike janë bërë pjesë e protestave tona, ashtu edhe unë sot zgjodha të jem në shesh për të treguar se Partia Demokratike është e hapur për forcat e reja që kanë vendosur të mos i bëjnë opozitës opozitë, por t’i bëjnë opozitë një regjimi që mbahet në këmbë nga kartelet e drogës, të cilat investojnë që në këtë vend të mos ndodhë rrotacioni.
Nuk e ka luksin opozita shqiptare të luftojë e përçarë përballë një regjimi, largimi i të cilit është emergjencë kombëtare.
Nga kjo protestë e sotme u bëj thirrje shqiptarëve që më 10 shkurt të dalin masivisht në protestën kombëtare, e cila do të shënojë fillimin e fundit të narkoregjimit!
