Një shpërthim me lëndë të dyshuar plasëse është regjistruar në orët e para të mëngjesit të so...
POLITIKE
Zgjedhjet e 11 Majit/ Hidhet shorti për numrin e subjekteve në fletët e votimit! Koalicioni i Berishës i pari, si renditen partitë e tjera
b.zPërditësimi i fundit 17 Mars 2025, 13:50
KQZ
TIRANË - Komisioni Qendror i Zgjedhjeve, ka miratuar këtë të hënë listat e kandidatëve për deputet që do të garojnë në zgjedhjet e 11 Majit si dhe renditjen në fletën e votimit për çdo subjekt zgjedhor.
Nga lista e publikuar deri më tani shihet se Koalicioni “PD-Aleanca për Shqipërinë Madhështore” do të mbajë numrin 1 në fletën e votimit, ndërsa në vendin e dytë do të jetë "Partia Mundësia" e Agron Shehajt.
Vendi i tretë me short i ra Partisë “Lëvizja Atdheu” ndërsa vendi i katërt partisë së Lulzim Bashës, “Koalicioni Euroatlantik”. Vendin e 5-të e ka Partia Socialiste me Edi Ramën, ndërsa vendi gjashtë me short i ka rënë "Nisma Shqipëria Bëhet".
"Aleanca Kombëtare Shqiptare" do të ketë vendin e 7, ndërsa "Aleanca Demokracia e Re" do ketë numrin 8. Sipas shortit numri 9 i ka rënë "Koalicioni Djathtas për Zhvillim", ndërsa në vendin e 10 do të jetë Partia Mundësia. Ndërkohë në vendin e 11 do të jetë Partia Social Demokrate e Tom Doshit.
Renditja e subjekteve në fletë të votimit
-Koalicioni Partia Demokratike - Aleanca për Shqipërinë Madhështore – Numri 1 -Partia Lëvizja Bashkë – Numri 2 -Lëvizja Atdheu - Numri 3 -Koalicioni Euroatlantik – Numri 4 -Partia Socialiste – Numri 5 -Koalicioni Nisma Shqipëria Bëhet –Numri 6 -Aleanca Kombëtare Shqiptare – Numri 7 -Aleanca Demokracia e Re – Numri 8 -Koalicioni Djathtas për Zhvillim –Numri 9 -Partia Mundësia - Numri 10 -Partia Social Demokrate – Numri 11
