Koncertet e planifikuara të reperit amerikan Kanye West (Ye) në Shën Petersburg të Rusisë nuk do të zhvillohen, pasi stadiumi Ga...
SHOWBIZ
80 minuta e bllokuar në tualetin e Hermès, komediania tregon incidentin e pazakontë!
PiranjatPërditësimi i fundit 25 Gusht 2026, 16:44
Një ndalesë e zakonshme në një prej dyqaneve të Hermès në Berlin u kthye në një situatë të pazakontë për komedianen indiano-amerikane Zarna Garg, e cila përfundoi e bllokuar në tualetin e butik-ut për rreth 80 minuta. Garg, e njohur për humorin e saj mbi jetën familjare dhe përvojën e emigrantëve indianë, ndodhet në Berlin në kuadër të turneut të saj të komedisë. Ajo vendosi të ndajë me ndjekësit historinë e incidentit përmes një videoje të publikuar në rrjetet sociale.
Sipas rrëfimit të saj, gjithçka nisi pasi përdori tualetin e dyqanit dhe tentoi të dilte. Dera rrëshqitëse nuk u hap dhe komediania mbeti brenda. Fillimisht, ajo e mori situatën me sportivitet dhe, së bashku me ekipin e saj, nisi të filmonte momentet e pritjes. Madje, për të kaluar kohën, Garg tregoi se kishte filluar të krijonte figura origami me letra. Por humori u kthye shpejt në shqetësim. Punonjësit e dyqanit u përpoqën ta hapnin derën, ndërsa Garg u kërkua ta shtynte nga brenda. Gjatë përpjekjeve u përdor edhe një levë dhe u aktivizua alarmi, duke e bërë situatën edhe më stresuese.
Komediania tha se ekipi i saj kërkoi që të kontaktohej zjarrfikësja, por sipas saj stafi hezitoi, duke u shqetësuar për dëmtimin e derës. Pas më shumë se një ore, ndërhyrja e zjarrfikësve të Berlinit bëri të mundur lirimin e saj. Por ajo që e zhgënjeu më shumë Gargun nuk ishte vetëm koha e kaluar e mbyllur në tualet. Sipas saj, pas shpëtimit nuk pati një kërkimfalje apo një shpjegim të qartë nga stafi. Në vend të kësaj, një punonjës i ofroi asaj një shishe shampanjë, ofertë të cilën ajo dhe ekipi i saj e refuzuan.
Garg theksoi gjithashtu se situata ishte veçanërisht e vështirë për familjarët dhe ekipin e saj, të cilët e ndoqën nga jashtë gjithë përpjekjen për ta nxjerrë nga tualeti. Në fund, komediania nuk e la pa një batutë tipike për stilin e saj. Ajo e lidhi incidentin me çantat e famshme të Hermès, duke ironizuar faktin se edhe ato njihen për vështirësinë e hapjes dhe mbylljes. Historia e saj është shpërndarë gjerësisht në rrjetet sociale, ku shumë komentues kanë diskutuar mënyrën se si dyqani e menaxhoi situatën. Deri tani, Hermès nuk ka bërë një deklaratë publike lidhur me incidentin.
