Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
SHOWBIZ
Akuza për kultivim droge, Gjykata australiane pushon çështjen ndaj Belina Pupës
PiranjatPërditësimi i fundit 15 Tetor 2025, 15:10
Gjykata e Magjistraturës në Adelaide ka vendosur të pushojë njërën nga akuzat ndaj terapistes dhe influencueses shqiptare, Belina Pupa, lidhur me kultivimin e një sasie droge të kontrolluar.
Sipas dokumenteve gjyqësore, informon dritare.net akuza për kultivimin e 43 bimëve kanabisi në një pronë në Ascot Park nuk do të vazhdohet më, duke nënkuptuar se nuk ka asnjë vendim për fajësi apo dënim në këtë drejtim.
Megjithatë, çështja e dytë, që lidhet me ndërhyrjen e paautorizuar në furnizimin elektrik, mbetet ende në proces dhe është shtyrë për seancë më 25 nëntor 2025, në Gjykatën e Adelaide.
Sipas dokumenteve, ngjarja dyshohet të ketë ndodhur gjatë periudhës 1 janar – 4 prill 2025. Belina Pupa ka treguar se çështja lidhet me një pronë të dhënë me qira, por që është në emrin e saj, duke kërkuar që të pritet mbyllja e procesit gjyqësor për të pasur qartësi të plotë.
“Bëhet fjalë për një pronë të dhënë me qira, por që është me emrin tim. Gjyqi po mbahet për pasqyrimin e fakteve. Nuk mund të them asgjë më shumë, derisa çështja të mbyllet, për arsye hetimesh në radhë të parë por edhe për të qenë e qartë për të gjithë në fund. Ju falënderoj që më pyetët përpara se të shpërndanit një lajm të përçudnuar,” – tha Pupa në reagimin e saj.
