Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Daniel Ek jep dorëheqjen si CEO i Spotify, ja kujt i kalon drejtimi i platformës më të madhe muzikore
PiranjatPërditësimi i fundit 1 Tetor 2025, 16:31
Daniel Ek, bashkëthemeluesi dhe drejtuesi historik i kompanisë Spotify, ka njoftuar se do të largohet nga pozita e CEO-së duke filluar nga 1 janari 2026. Ai do të vazhdojë të jetë pjesë e kompanisë në një rol të ri si Kryetar Ekzekutiv (Executive Chairman), ku do të fokusohet më shumë në strategjinë afatgjatë dhe zhvillimin e biznesit.
Në vend të tij, drejtimi i Spotify do të kalojë tek dy bashkë-CEO, Gustav Söderström, aktualisht përgjegjës për teknologjinë dhe produktin, Alex Norström, i cili drejton operacionet komerciale të kompanisë.
Të dy do të ndajnë detyrat dhe do të raportojnë drejtpërdrejt te Ek.
Në një komunikim për mediat, Daniel Ek tha se ky vendim është pjesë e një tranzicioni natyral, pasi prej kohësh kishte filluar të delegonte përgjegjësi dhe të largohej nga menaxhimi i përditshëm.
“Kjo nuk është një largim, por një hap për të fuqizuar më tej drejtimin e kompanisë,” – deklaroi ai.
Ek do të përqendrohet në vizionin afatgjatë, alokimin e kapitalit, marrëdhëniet me investitorët dhe në projekte të veçanta që lidhen me të ardhmen e teknologjisë dhe inovacionit në fushën e muzikës dhe përmbajtjes dixhitale.
Pas njoftimit, aksionet e Spotify pësuan një rënie të lehtë në bursë, ndërsa tregu dhe investitorët po presin të shohin sesi do të funksionojë struktura e re me dy drejtues.
Spotify është një nga platformat më të mëdha në botë për transmetimin e muzikës dhe podkasteve, me mbi 600 milionë përdorues aktivë në mbarë globin. Daniel Ek e themeloi kompaninë në vitin 2006 në Suedi dhe e ka drejtuar për gati dy dekada.
