Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Selma Blair: U diagnostikova gabim për 30 vite me radhë
PiranjatPërditësimi i fundit 1 Tetor 2025, 16:06
Aktorja e njohur hollivudiane, Selma Blair, ka rrëfyer publikisht historinë e saj të vështirë me sklerozën multiple, një sëmundje kronike autoimune që, për afro tre dekada, mbeti e pazbuluar siç duhet nga mjekët.
E ftuar në emisionin This Morning, Blair tregoi se simptomat e saj shpesh i atribuoheshin gabimisht lodhjes, stresit apo depresionit. Ajo përjetonte probleme serioze që prej fëmijërisë turbullim të shikimit, dhimbje koke dhe temperatura të shpeshta por asnjëherë nuk iu dha diagnoza e saktë.
"Isha gjithmonë e lodhur dhe mjekët më thoshin se ishte vetëm në mendjen time," rrëfeu aktorja.
Ironikisht, gjatë shtatzënisë me djalin e saj, Blair ndjeu përmirësim, pa e ditur se skleroza multiple shpesh qetësohet gjatë kësaj periudhe. Por pas lindjes, gjendja u rëndua, duke e çuar deri në humbjen e aftësisë për të ecur dhe folur.
Momenti i kthesës ndodhi kur ajo vendosi të kërkonte ndihmë publikisht përmes rrjeteve sociale. Vetëm atëherë, në vitin 2018, iu dha diagnoza e duhur. Sot, edhe pse jeton me një fazë të pakthyeshme të sëmundjes, Blair është bërë një zë i fuqishëm për ndërgjegjësimin dhe mbështetjen e pacientëve me sklerozë multiple.
"Është e rëndësishme të dëgjojmë trupin tonë dhe të kërkojmë ndihmën që meritojmë," u shpreh ajo, duke shtuar se historia e saj është dëshmi se edhe pas viteve të errëta, gjithmonë ka shpresë për të gjetur dritën.
