Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
SHOWBIZ
“Tradhti mes shoqesh”/ Modelja Bruna Rota i rrëmben të dashurin milioner mikeshës së ngushtë
PiranjatPërditësimi i fundit 1 Tetor 2025, 15:26
Bruna Rota, modelja e njohur për romancën e saj të dikurshme me yllin e Real Madridit, Rodrygo, është në qendër të një skandali që ka pushtuar mediat rozë në Brazil dhe më gjerë.
Sipas raportimeve, pas ndarjes së saj të bujshme nga futbollisti, Bruna gjeti strehë tek mikja e ngushtë, Kamila, e cila e priti si një anëtare familjeje në Madrid. Të dyja ndanin përditshmërinë, udhëtimet dhe momente të ngrohta miqësore derisa situata mori një kthesë dramatike.
Gjatë pushimeve verore në Marbella, Bruna dyshohet se nisi një romancë të fshehtë me partnerin milioner maroken të Kamilas, ndërkohë që të tre po qëndronin bashkë. Pas kthimit në Madrid, modelja e mashtroi shoqen, duke i thënë se kishte marrë një apartament me qira përmes Airbnb, kur në fakt jetonte me të dashurin e saj të ri.
Zbulimi i së vërtetës shkatërroi përfundimisht miqësinë e tyre.
Në një video publike, Bruna pranoi gabimet dhe kërkoi falje, duke rrëfyer se ndodhej në një periudhë shumë të brishtë pas ndarjes nga Rodrygo, të cilin e përshkroi si 'një lidhje toksike dhe pa reciprocitet".
"Ndodhi në një moment shumë të ndjeshëm të jetës sime,”"tha ajo. "Nuk është krim të biesh në dashuri."
