Një burrë i kërkuar nga policia nën dyshimin për drejtim të rrezikshëm të automjetit u sulmua nga një aligator, p...
SHOWBIZ
Detaje nga arrestimi i Gjestit/ Reperi kërcënoi me armë pronarin e kompanisë muzikore
PiranjatPërditësimi i fundit 12 Mars 2026, 11:02
Detaje të reja janë zbardhur lidhur me ndalimin e Besart Kelmendi, i njohur për publikun me emrin artistik Gjesti, nën dyshimin për armëmbajtje pa leje.
Sipas informacioneve paraprake, ai është vendosur në ndalim policor për 48 orë. Kjo masë është pjesë e procedurave standarde hetimore dhe i jep kohë Prokurorisë së Shtetit të Kosovës të shqyrtojë provat dhe rrethanat e rastit, për të vendosur nëse rasti do të procedohet më tej në gjykatë.
Mediat kosovare bëjnë të ditur se Gjesti dyshohet se ka shkuar i armatosur te E.Sh, pronari i një kompanie muzikore dhe e ka kërcënuar pasi mes palëve kanë ekzistuar tensione edhe më herët.
Konflikti dyshohet të lidhet me një kontratë që Gjesti kishte nënshkruar me kompaninë në fjalë para se të hynte në spektaklin BBVKS. Pas përfundimit të edicionit të tretë të këtij reality show, ai kishte kërkuar të shkëpuste kontratën, çka sipas burimeve ka sjellë përplasje mes palëve.
Sipas Kodit Penal të Republikës së Kosovës, posedimi apo mbajtja e paautorizuar e armëve dënohet me gjobë deri në 7,500 euro ose me burgim deri në pesë vjet. Megjithatë, në rastet kur arma nuk është përdorur për kryerjen e një vepre tjetër penale, gjykatat shpesh vendosin masa më të buta, si gjobë ose dënim me kusht.
