Një marinar 24-vjeçar i Marinës Mbretërore Britanike është paraqitur në gjykatë, i akuzuar për përgatitje p&...
SHOWBIZ
Drake i jep fund thashethemeve për shtatzëninë e ish-të dashurës: Është e rreme
PiranjatPërditësimi i fundit 8 Tetor 2026, 22:51
Një lajm që po qarkullonte së fundmi në rrjet për jetën private të Drake ka marrë një tjetër kthesë, pasi reperi ka mohuar kategorikisht se është babai i fëmijës që po pret ish-partnerja e tij, Kecia Sande.
Sande ka bërë publik lajmin se është shtatzënë dhe se pret një djalë, duke tërhequr menjëherë vëmendjen e fansave. Këngëtarja, e cila është në muajin e shtatë të shtatzënisë, nuk ka bërë të ditur se kush është babai i fëmijës.
Pikërisht mungesa e këtij informacioni nxiti spekulimet se babai mund të ishte Drake, me të cilin Sande ka pasur një lidhje në të kaluarën.
Megjithatë, përfaqësuesi i reperit 39-vjeçar i ka mohuar këto pretendime. Në një deklaratë për “People”, më 6 tetor, ai u shpreh shkurt: “Është e rreme.”
Ndërkohë, Sande ka folur për partnerin e saj aktual në një intervistë për “Hello! Canada”, duke e përshkruar si një person “shumë të zgjuar dhe jashtëzakonisht kreativ”. Ajo ka treguar gjithashtu se do të donte që djali i saj të trashëgonte prej tij “lëvizjet dhe stilin”
Historia mes Sande dhe Drake daton prej vitesh. Dyshja kanë qenë në një lidhje dhe emri i këngëtares është lidhur shpesh me këngën e Drake, “In My Feelings”, veçanërisht me vargun tashmë të famshëm “Kiki, a më do?”.
Marrëdhënia e tyre ka qenë e njohur edhe publikisht. Në vitin 2022, gjatë OVO Fest, Drake e ftoi Sande në skenë dhe e prezantoi para publikut si “të dashurën e tij të parë”.
Drake ka tashmë një fëmijë. Reperi është babai i një djali 8-vjeçar, Anthony Graham, nga marrëdhënia e tij me artistën franceze Sophie Brussaux. Ai e konfirmoi publikisht atësinë në vitin 2018 përmes këngës “March 14”.
