Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
SHOWBIZ
Dua Lipa shkëlqen në Dallas pas lëndimit në shpatull/ Turneu vazhdon!
PiranjatPërditësimi i fundit 3 Tetor 2025, 15:27
Dua Lipa ka treguar edhe një herë forcën dhe profesionalizmin e saj. Vetëm pak ditë pasi raportimet ngritën dyshime për një lëndim në shpatull, këngëtarja shqiptare me famë botërore u rikthye fuqishëm në natën e dytë të koncertit në Dallas, pjesë e turneut të saj “Radical Optimism Tour”.
Fansat vunë re mavijosje në shpatull gjatë performancave të para, duke ngjallur shqetësim për shëndetin e artistes 30-vjeçare. Por sipas mediave britanike, një kontroll i kryer nga radiologu e siguroi Duan se mund të vazhdojë pa pengesa.
Në skenë, ajo mahniti publikun me energjinë e saj, duke kaluar nga një pallto e bardhë me gëzof sintetik në një bodysuit ari metalik. Momenti më emocionues erdhi kur iu bashkua këngëtari amerikan Leon Bridges, me të cilin interpretoi këngën “Beyond”.
Burime pranë saj tregojnë se lëndimi nuk lidhet me performancat, por ka ndodhur gjatë kohës së lirë. Megjithatë, Dua po ndjek terapi fizioterapie për të siguruar rikuperim të plotë, ndërsa turneu vijon sipas planit. Stacioni i radhës do të jetë Kalifornia, ku më 4 tetor do të performojë në Kia Forum.
Ndërkohë, edhe jeta personale e saj është në lulëzim. Në qershor, Dua konfirmoi fejesën me aktorin britanik Callum Turner. Çifti po kërkon një vilë luksoze në Spanjë dhe paralelisht kanë themeluar kompaninë e tyre të përbashkët, TwentyTwo Films Limited, që do të merret me projekte filmike dhe televizive.
“Dua dëshiron më shumë kontroll krijues në kinematografi dhe ky është vetëm fillimi”, tha një burim për The Sun.
