Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
SHOWBIZ
Egla Ceno thyen heshtjen pas debatit Mamaqi–Andrea: Vetëm njerëzit e plotësuar pranojnë madhështinë e tjetrit
PiranjatPërditësimi i fundit 14 Nëntor 2025, 13:15
Debati i ndezur mes Ermal Mamaqit dhe aktores Ema Andrea në “Goca dhe Gra” vazhdon të prodhojë reagime. Pas përplasjes live, një postim i aktores Egla Ceno në Instagram ka ngritur dyshime se ishte një “kunjë” ndaj Ema Andreas.
Gjithçka nisi kur Mamaqi foli për trajnimin e tij motivues që do të zhvillohet këtë fundjavë, duke e ftuar publikisht Emën të marrë pjesë. Por reagimi i saj ishte i menjëhershëm dhe i drejtpërdrejtë:
“Tani e kuptova pse je në këtë situatë… jam e suksesshme me atë që kam zgjedhur dhe kam gjëra më të rëndësishme për të bërë.”
Pak orë më pas, Egla Ceno publikoi një status që shumë e lexuan si kritikë ndaj Emës. Për këtë, moderator Ronaldo Sharka e kontaktoi për një koment në “Live From Tirana”, ku aktorja u shpreh:
“Nuk ka lidhje me emra, ka lidhje me qenien njerëzore. Njerëzit e mëdhenj nuk kanë frikë të pranojnë madhështinë te të tjerët. Vetëm një njeri i plotësuar mund të përkulet me dashuri para talentit të dikujt tjetër. Kështu njihen të mëdhenjtë nga fjalët që ngrenë.”
Egla shtoi se postimi i saj ishte më shumë një reflektim për artin dhe përulësinë, sesa një sulm i drejtpërdrejtë ndaj dikujt.
Ndërkohë, Ema Andrea, e kontaktuar live nga i njëjti emision, nuk ka preferuar të japë komente të tjera.
