Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Enisa SHOKON: Vajzat e instagramit ngacmonin Kellyn ndërsa unë isha e sëmurë
PiranjatPërditësimi i fundit 17 Nëntor 2025, 11:04
Këngëtari i njohur dhe ish-banori i “Big Brother VIP 4”, Kelly, ka qenë dje pjesë e emisionit “Trotuari”, së bashku me partneren e tij, Enisa Allmuça, ku kanë diskutuar për marrëdhënien e tyre dhe sfidat që vijnë kur dy partnerë janë të suksesshëm.
Gjatë bisedës, Enisa ka zbuluar detaje nga jeta e tyre e çiftit dhe ka folur për mesazhet provokuese që Kelly merrte nga vajza të ndryshme, përfshirë edhe figura të njohura të ekranit. Ajo ka treguar se momenti më i vështirë ka qenë kur disa vajza i shkruanin Kelly-t ndërsa Enisa ishte e sëmurë.
“E vetmja herë që më ka ardhur realisht shumë keq, ishte kur dikush nga vajzat e Instagram-it i shkruante Kellyt kur mësuan që isha e sëmurë. Ishte çështje shumë delikate dhe më bëri të ndihesha keq,” ka thënë Enisa.
Ajo ka shtuar se nuk ka përgjigjur kurrë ndaj mesazheve provokuese dhe se marrëdhënia e tyre bazohet mbi besim dhe hapje, pa nevojë për kontroll të Instagram-it të partnerit.
Enisa ka treguar gjithashtu se ngacmimet janë shtuar kur ajo ishte prezente në koncerte apo evente publike, duke e bërë situatën më të vështirë emocionalisht, por që ata e kanë menaxhuar me pjekuri dhe maturi.
Çifti ka folur hapur për sfidat e çiftit kur partnerët janë të suksesshëm dhe ka dhënë mesazhin se besimi dhe komunikimi janë çelësi për të përballuar situatat delikate në marrëdhënie.
