Ditën e shtunë vendi ynë do të ndikohet nga kushte atmosferike të qëndrueshme.
Moti parashikohet me kthjellime (diell) si dhe alt...
SHOWBIZ
Filmi biografik shkakton polemika të forta në “Hollywood”, regjisori akuza kolegut të tij: Jackson ishte më keq se Epstein
PiranjatPërditësimi i fundit 25 Prill 2026, 13:06
Filmi i ri biografik për Michael Jackson mund të dominojë të ardhurat në kinema, por nuk i ka impresionuar kritikët, të cilët e kritikojnë ashpër. 'Michael' aktualisht ka një nga vlerësimet më të ulëta për një film biografik në vite në faqen e internetit të përmbledhjes së recensioneve Rotten Tomatoes. Filmi i ri biografik me regji të Antoine Fuqua, gjithashtu ka ndezur një debat të ashpër në opinionin publik dhe në botën e kinemasë, pas deklaratave të forta të krijuesit të dokumentarit “Leaving Neverland”, Dan Reed.
Ky i fundit ka kritikuar ashpër mënyrën se si filmi trajton jetën e “mbretit të pop-it”, duke pretenduar se në produksion nuk përmenden akuzat serioze që janë ngritur ndaj tij për abuzim me të mitur, ndërsa shton se ai ishte më i keq se Jeffrey Epstein.
“Si mund të tregosh një histori autentike për Michael Jackson pa përmendur kurrë faktin që ai është akuzuar seriozisht për abuzim ndaj fëmijëve?”, është shprehur Reed.
“Ai thotë se njerëzit nuk shqetësohen që ai ishte pedofil. Fjalë për fjalë, njerëzit thjesht nuk shqetësohen. Mendoj se shumë njerëz thjesht e duan muzikën e tij dhe mbyllin veshët. Dhe për sa kohë nuk ka video reale që tregojnë Michael Jackson në akt seksual me një fëmijë 7-vjeçar, nuk e di çfarë do të ishte e mjaftueshme për t’i bërë këta njerëz të ndryshojnë mendje.”, tha ai.
“‘Leaving Neverland’ tregoi se njerëzit duket se nuk e kuptojnë: nëse bën një padi, nuk merr para derisa të fitosh në gjykatë. Dhe kur fiton, kjo do të thotë se ke provuar çështjen tënde”, u shpreh ai.
Duke iu referuar regjisorit të filmit, ai theksoi që Antoine Fuqua të akuzojë njerëzit për përfitim financiar është disi ironike.
“Më duket se të gjithë ata që janë të përfshirë në këtë film thjesht po fitojnë para. Nëse dikush po fiton para, është pasuria e Michael Jackson dhe njerëzit që kanë punuar në këtë film biografik. Wade Robson dhe James Safechuck nuk kanë marrë asnjë cent nga akuzat e tyre”, tha ai.
Në një tjetër pjesë të deklaratës së tij, Reed u shpreh media duket se mbështet ‘mekanizmin’ Jackson, pasi sipas tij, pasuria e Jackson dhe baza e fansave kanë siguruar gjithmonë që kritikat të shoqërohen me sulme dhe diskreditim.
“Ka shumë para që mund të fitohen nga çdo lidhje me markën Jackson. Nëse mund të përfitosh nga suksesi i këtij filmi, atëherë kjo është mirë për ty. Shumë njerëz do të injorojnë çdo kundërshtim dhe thjesht do të thonë se është një film i mirë muzikor, duke anashkaluar faktin që ky njeri ishte më i keq edhe se Jeffrey Epstein”, shkruan ai.
Nga ana e tij, regjisori Antoine Fuqua iu përgjigj kritikave duke deklaruar se “ndonjëherë njerëzit bëjnë gjëra të këqija për para”.
Ai ndjek ngritjen e Michael Jackson nga një yll fëmijë i Jackson 5 në një ikonë të viteve 1980, duke u ndalur rreth vitit 1988 dhe duke lënë jashtë periudhën e mëvonshme të akuzave për abuzim, të cilat ai i ka mohuar dhe për të cilat është shpallur i pafajshëm.
