Sërish situata paraqitet e tensionuar në hyrjet e kantierit të Aeroportit të Vlorës edhe gjatë ditës së sotme. Sipas i...
SHOWBIZ
Fjalët e Ema Andreas për të bijën janë kaq emocionuese, sa s’mund të mos përloteni ❤
PiranjatPërditësimi i fundit 3 Dhjetor 2025, 16:35
ishte Sara Kapo, e bija e Ema Andreas, e cila, siç i tha dhe Ema, nuk mund të shpëtonte pa një dedikim prej mamit, duke qenë se deklaratat e dashurisë nuk përbëjnë ndonjë shkelje të papranueshme. Dedikim ky, i cili nisi kështu:
"Kur u vendos të ftohet këtu fati im i jetës time që je ti, artistja Sara, po mendonim, gjithmonë se nuk mund ta mohoj që diçka artistike duhet ta ofroja për ty, për publikun, e ku di unë. Dhe po mendoja të të thoja një poezi, por pastaj u ula, thashë ta shkruaj një poezi.
Nuk do qajmë, se e di që ti nuk i do të qarat në televizion, siç nuk i dua dhe unë. Po ne sot të gjithë po e deklarojmë dashurinë dhe, tekefundit, nëse një nënë deklaron dashurinë për fëmijën e vet, nuk besoj se ka ndonjë sakrilegj publik apo mediatik."
Më tej, Ema Andrea ndau disa reflektime tejet të sinqerta të një nëne për fëmijën e vet, të mbushura me "më fal" e "faleminderit", duke shprehur përgjegjësi për shqetësimet që mund t'i ketë shkaktuar së bijës:
"E kur e shkruajta këtë poezinë që doli poemë, kishte shumë 'më fal' dhe shumë 'faleminderit'. Ishte shumë e gjatë. Nuk dija t’i ndaja sekretet në rreshta, nuk e mbaj mend, mbaj mend shumë pak, nga fakti që të kërkoj falje se, duke u përpjekur të të ruaj ty nga hijet e mia, unë kam krijuar rrathë në sytë e tu.
Se kur ndiej në tingullin tënd të zërit dridhje, më duket sikur janë pasojë e mungesave të mia. Se… se nuk do doja kurrë që ti të vazhdoje të rriteshe me fjalinë e gabuar ‘mos, se mërzitet mami’, se tani ti je një grua." Duke zbuluar dhe një moment të vështirë në jetët e të dyjave, të cilin edhe Sara e përmendi më herët në emision, mendimin për t'i dhënë fund jetës, Ema Andrea falenderoi në mënyrën më prekëse shpëtimtaren e saj, Sarën:
"Dhe fjala jote që do të mbart derisa t'i fik sytë në këtë jetë, është e një nate, ku mua më dukej shumë bukur të fluturoja, jo për me i hap sytë, dhe ti the: ‘O ma, akoma s’ke fjetur?’
Unë jam sot këtu me ty prej asaj fjale dhe doja të të thosha, që ta mbyll se…Zoti më dha jetën, ti më mësove ta dua jetën. E midis Zotit edhe teje, unë zgjedh ty." Nëse e nisët mëngjesin dhe ju duke ngashëryer, fajësoni Ema Andrean.
