Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
SHOWBIZ
“Fund që nuk e mendoja tani”, Rajmonda Shundi rrëfen humbjen e shokut të jetës, Naunit
PiranjatPërditësimi i fundit 15 Shtator 2025, 18:08
Fundi i gushtit të kësaj vere u mbyll me lajmin e trishtë të ndarjes nga jeta të aktorit Naun Shundi. Pas një beteje të vështirë shëndetësore mbi të cilën nuk arriti të triumfonte, ai ndërroi jetë në moshën 66-vjeçare.
Shundi nuk kontribuoi vetëm pranë Teatrit Kombëtar si aktor, por ishte edhe regjisor e dramaturg. Ai dhe bashkëshortja e tij, Rajmonda, krijuan teatrin e parë privat, “Zonja e Bujtinës” ku shtëpia e tyre u kthye në një hapësirë për artin. Në këtë periudhë të vështirë ku fjalët mungojnë, Rajmonda Shundi foli për përjetimet e saj.
“Pa diskutim që janë momente shumë të vështira. Është një tërmet. Është një lajm shumë i hidhur për familjen tonë, për ne të dy, për njëri-tjetrin, për vajzat, për gjithkënd, për gjithë ata që e donin, miqtë, dashmirësit, kolegët. Fatkeqësisht ky ishte një fund që unë nuk e mendoja se do ta përjetonim tani”, tha ajo e përlotur.
Sëmundja nuk e mposhti dot karakterin e Naun Shundit. Rajmonda tregon se ai kishte gjithnjë forcë dhe dashuri për jetën, ndërsa “Zonja e Bujtinës” ishte vepra e tij që i kushtoi gjithçka.
“Nauni ishte një person shumë i fortë si natyrë dhe nuk e shihte jetën se jam paqejf, se po kaloj këtë, jo. Kishte optimizëm dhe dashuri për jetën. Mendoja se Bebi…ishte natyrë neglizhente ndaj shëndetit, fokusi i tij ishte teatri, arti, të shkurarit. Natyrisht, zhvillimi i teatrit tonë ‘Zonja e Bujtinës’ i mori kohën e plotë, në kohën e duhur se ishte kur Nauni doli në pension dhe ishte tamam mundësia që ai atë çka nuk mundej ta kishte bërë në ato vitet e jetës si profesionist i mirë, skrupuloz, dinjitoz në teatër, të mundej ta shpërfaqte në teatrin tonë të vogël.”
