Një vrap 90-minutësh në Alpet shqiptare u kthye në një situatë ku çdo minutë mund të ishte vendimtare për ...
SHOWBIZ
“Mbase gënjeva”/ Neda Balluku rrëfen të vërtetën pas imazhit të martesës perfekte: Kisha nevojë ta besoja edhe vetë
PiranjatPërditësimi i fundit 18 Gusht 2026, 15:18
Neda Balluku ka bërë një rrëfim të pazakontë dhe tejet të sinqertë në rrjetet sociale, ku ka vendosur të flasë hapur për mënyrën se si ka zgjedhur të paraqesë ndër vite jetën e saj familjare.
Pas një periudhe të vështirë personale, ajo ka pranuar se imazhi i një martese të lumtur dhe ideale që përcillte publikisht nuk përputhej gjithmonë me realitetin që përjetonte larg kamerave.
“Mbase gënjeva”, shkruan Neda, duke sqaruar se nuk bëhej fjalë për mashtrim të qëllimshëm. Sipas saj, pas asaj që shfaqte në rrjetet sociale fshihej një dëshirë e fortë për të besuar se martesa e saj ishte pikërisht ashtu siç donte ta shihte.
“Kisha nevojë ta besoja edhe vetë se ia kisha dalë të ndërtoja diçka të bukur”, shprehet ajo, duke pranuar se përmes publikimeve të saj kishte krijuar një imazh që në disa raste i kalonte kufijtë e realitetit.
Neda u ka kërkuar ndjesë ndjekësve për mungesën e sinqeritetit lidhur me jetën private, por thekson se nuk ka hequr dorë nga besimi te një marrëdhënie e shëndetshme dhe te vlera e partneritetit. Rrëfimi i saj vjen disa muaj pas një ndryshimi të madh në jetën personale, pas përfundimit të një historie dashurie që nisi 15 vite më parë.
