Socialistët kanë braktisur mbledhjen e këshillit bashkiak të Maliqit të thirrur nga opozita.
Në rendin e ditës ishte paras...
KOSOVA
Arrestohet i riu shqiptar, turistja 18-vjeçare e denoncoi pasi kreu marrëdhënie sek*uale: Nuk mund ta refuzoja!
PiranjatPërditësimi i fundit 19 Gusht 2026, 20:10
Një rast serioz i dyshuar për përdhunim po hetohet nga autoritetet policore në Mykonos , pas një ankese nga një turiste 18-vjeçare italiane, e cila çoi në arrestimin e një shtetasi 23-vjeçar nga Kosova.
Sipas dëshmisë së vajzës, ngjarja dyshohet se ka ndodhur në një shezlong pranë një beach bar-i të njohur në Mykonos, ku ajo ndodhej së bashku me të dyshuarin.
Sipas raportimeve të mediave greke, përfshirë CNN grek, 18-vjeçarja u ka deklaruar autoriteteve se kishte konsumuar një sasi të konsiderueshme alkooli dhe se në atë gjendje nuk kishte qenë në mundësi të kundërshtonte apo të rezistonte.
Ajo dyshohet se ka pretenduar se 23-vjeçari ka përfituar nga gjendja e saj dhe ka kryer marrëdhënie seksuale pa pëlqimin e saj.
Pas denoncimit, policia greke ka nisur hetimet për identifikimin dhe gjetjen e personit të përmendur nga turistja.
Autoritetet më pas kanë lokalizuar të dyshuarin në zonën e Platis Gialos, ku edhe është arrestuar. 23-vjeçari pritet të përballet me procedurat e mëtejshme ligjore para organeve të drejtësisë greke, ndërsa hetimet për rastin janë në vazhdim.
Rasti mbetet nën hetim dhe pretendimet e ngritura ndaj të arrestuarit do të shqyrtohen nga autoritetet kompetente. /PiranjatNews/
