Raportuesi i Partisë Popullore Evropiane (PPE) për Shqipërinë, Andrey Kovatchev, ka reaguar për protestat e studentëve në Tir...
SHOWBIZ
Nga muzika tek futbolli/ Blero zbarkon në Afrikë për të gjetur talente të reja
PiranjatPërditësimi i fundit 13 Tetor 2025, 11:39
Pas nisjes së kapitullit të ri si menaxher futbolli, Blero po e çon këtë rrugëtim në një tjetër nivel ndërkombëtar.
Së fundmi, artisti ndodhet në Nigeri, ku po bashkëpunon me klubin Footwork FC një akademi e njohur për zbulimin e talenteve të rinj në Abuja. Klubi numëron mbi 20 mijë ndjekës në rrjete sociale dhe ka profil zyrtar në platformën Transfermarkt, duke u renditur si një nga qendrat më aktive të zhvillimit të futbollistëve të rinj në rajon.
Në kërkim të gjeneratës së re të futbollit afrikan
Nga postimet e fundit të Bleros në rrjete sociale, duket se qëndrimi i tij në Nigeri lidhet drejtpërdrejt me kërkimin dhe përzgjedhjen e lojtarëve të rinj premtues, që mund të përfaqësojnë gjeneratën e ardhshme të futbollit afrikan në arenën ndërkombëtare.
Ky bashkëpunim shënon një tjetër hap të rëndësishëm në profilin e tij profesional, duke e konsoliduar imazhin e Bleros si menaxher dhe zbulues talentësh, një rol që po e ushtron me përkushtim dhe vizion.
Nga muzikës tek futbolli një kapitull i ri për Bleron
Pas një karriere të gjatë në muzikë dhe skenë, Blero po tregon se dëshira për zhvillim dhe sfida të reja nuk njeh kufij. Me këtë hap, ai forcon pozicionin e tij si një figurë shumëdimensionale në art dhe sport, duke nisur një kapitull tërësisht të ri në jetën profesionale.
