Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Pretendon t'i japë fund betejës me drejtësinë, një tjetër dëshmitar kundër P Diddy
PiranjatPërditësimi i fundit 5 Tetor 2025, 15:42
Një burrë, që pretendon se ka qenë praktikant i reperit të njohur Sean “Diddy” Combs, ka ngritur një padi ligjore ndaj tij, duke e akuzuar për sulm seksual dhe infektim me HIV. Sipas padisë së depozituar në Gjykatën e Lartë të Los Angeles, burri, i identifikuar me pseudonimin “John Doe”, pretendon se ngjarjet ndodhën pas një feste të organizuar nga Combs në vitin 2014.
Në padi, ai thotë se në fund të vitit 2014, kur po ndërtonte karrierën e tij në industrinë e muzikës, ai kishte pranuar mundësinë për të bërë praktikë pranë Diddy-t. Pas një seance incizimi muzikor në një shtëpi afër Los Angeles, ai pretendon se u ftuar në një after-party, ku iu ofruan substanca të ndryshme, përfshirë kokainë, marihuanë dhe alkool. Ai pranon se konsumoi vetëm alkool dhe pas disa pijeve, filloi të ndjehej “çuditshëm” dhe humbi ndjenjat.
Ai deklaron se, pasi ka humbur ndjenjat, u çua në një dhomë ku një person i panjohur e sulmoi seksualisht, duke i bërë seks anal. Sipas tij, Diddy nuk ka qenë i përfshirë në sulm, por pas ngjarjes, ai shkoi për të bërë teste për sëmundje seksualisht të transmetueshme. Fillimisht, rezultatet dolën negative, por disa muaj më vonë, testet e përsëritura treguan se ai ishte infektuar me HIV.
Për këtë ngjarje, ai kërkon dëmshpërblim për dhimbjet emocionale dhe psikologjike të pësuara. Padi kërkon një shumë të paqartë kompensimi për sulmin dhe keqtrajtimin seksual.
Avokatët e Diddy-t kanë reaguar ndaj këtyre akuzave, duke i quajtur ato “qesharake” dhe “lehtësisht të rreme”. Ata shprehen se kanë besim të plotë në integritetin e procesit gjyqësor dhe se në gjyq do të dalë e vërteta. Ata theksuan gjithashtu se Diddy nuk ka sulmuar seksualisht askënd, nuk ka trafikuar njerëz dhe se akuzat janë të pabaza.
Ky nuk është rasti i parë që Diddy përballet me akuza serioze. Më parë, ai është dënuar me 50 muaj burg për organizimin e transportit të prostitucionit.
