Partia Demokratike ka reaguar në lidhje me deklaratat e Komisioneres për Zgjerimin, Marta Kos, se qeveria dhe Edi Rama e kishte siguruar se, gjith&cce...
Kryedemokrati Sali Berisha dënoi sot nga mbledhja e Grupit Parlamentar të PD-së, kërcënimet e adresuara ndaj deputetes së largua...
SHOWBIZ
“Putha një vajzë”, nata e çmendur e Bebe Rexhës në Tokio
PiranjatPërditësimi i fundit 17 Shkurt 2026, 20:12
Bebe Rexha ka rrëfyer me sinqeritet për një natë të paharrueshme në Tokio, që më vonë u kthye edhe në frymëzim muzikor.
Në një intervistë për Page Six Radio, 36-vjeçarja tregoi se, gjatë një nate të stërmbushur me alkool në një klub nate në Japoni, u puth me një fanse, një moment që e shtyu të shkruante këngën e re, “Tokyo”.
“Isha në Tokio një ditë pas Halloween-it dhe thashë: ‘Dua të dal,’ sepse e dua Halloween-in,” u shpreh Rexha. “Dola në një klub nate dhe poshtë ishte një tavolinë, ne ishim pikërisht pas tavolinës së DJ-it.”
Ajo kujton se atmosfera ishte elektrizuese. “Ishte një tavolinë tjetër me gjithë këta djem dhe vajza të bukura, dhe një vajzë japoneze erdhi pranë meje. Po kërcenim, duke u fërkuar me njëra-tjetrën. Pastaj ajo thjesht filloi të më puthte.”
Sipas saj, nata ishte e paharrueshme. “Kaluam natën më të bukur,” tha këngëtarja. “Kështu që thashë: ‘Duhet patjetër të shkruaj një këngë për këtë.’”
Kënga “Tokyo” është pjesë e albumit të saj të ri “Dirty Blonde”. Në intervistë, ajo zbuloi se një nga vargjet thotë: “I kissed a girl in Tokyo” (putha një vajzë në Tokio).
Megjithatë, aventura mbeti vetëm një kujtim. “Sinqerisht, u dehëm aq shumë të gjithë sa nuk e di fare,” tha ajo, duke shtuar se nuk kanë mbajtur më kontakte. “Ajo ishte fanse. E di, a është e çuditshme kjo?”
E pyetur nëse do të lidhej ndonjëherë me një fans, këngëtarja u përgjigj: “Nuk dua të them jo, sepse kurrë nuk i dihet.”
Javën e kaluar, Rexha njoftoi publikimin e “Dirty Blonde” dhe prezantoi këngën e parë, “I Like You Better Than Me”. Albumi do të publikohet këngë pas kënge në bashkëpunim me label-in e pavarur EMPIRE.
