Inspektorati Kombëtar i Mbrojtjes së Territorit ka marrë masa administrative ndaj subjektit “Polyeco Albania” Sh.p.k., pas konstati...
SHOWBIZ
“Qentë le të lehin…”/ Videoja e Mandi Nishtullës ndez rrjetin, këngëtari tregon çfarë ka ndodhur
PiranjatPërditësimi i fundit 7 Shtator 2026, 16:42
Një video e papritur e Mandi Nishtullës ka pushtuar rrjetet sociale dhe ka ngjallur një valë reagimesh mes ndjekësve. Këngëtari i muzikës tallava shfaqet i shtrirë në pamje, ndërsa gjendja e tij ka bërë që shumë persona të ngrenë pikëpyetje dhe të nisin aludime të ndryshme.
Videoja, e cila dyshohet se është publikuar nga një person i afërt me këngëtarin, është shpërndarë me shpejtësi në rrjetet sociale. Ajo është shoqëruar edhe me pretendime nga përdorues të ndryshëm se Nishtulla mund të ketë konsumuar lëndë narkotike, por rrethanat e sakta të videos mbeten të paqarta.
Një nga pikëpyetjet kryesore është pikërisht koha kur janë realizuar pamjet. Nuk dihet nëse videoja është filmuar së fundmi apo i përket një periudhe të kaluar. Ndërkohë, pas gjithë zhurmës së krijuar, vetë Mandi Nishtulla ka vendosur të reagojë dhe të japë versionin e tij për atë që shihet në video.
Këngëtari pretendon se pamjet nuk kanë lidhje me gjendjen e tij aktuale dhe se në momentin e regjistrimit ishte thjesht i përgjumur. Ai ka deklaruar gjithashtu se personi që publikoi pamjet ishte vetë duke konsumuar alkool.
“Personi në fjalë ka nxjerrë disa foto ku jam shtrirë unë. Kam qenë përgjumësh aty. Personi në fjalë ishte duke pirë vetë. Ju po e shikoni gjendjen time, që unë jam shumë mirë. Sepse unë një herë në vit, ose një herë në muaj mund t’i bëj ato gjëra dhe i bëj, ndoshta se kam qejf. Unë jam mirë me njerëzit dhe i falenderoj njerëzit që më duan. Një falenderim i madh shkon për vëllezërit e mi që më duan kaq shumë dhe që i dua dhe unë. Por, qentë le të lehin, karvani le të ecë përpara”, është shprehur Nishtulla.
Por, videoja nuk është i vetmi moment që ka rikthyer në vëmendje të kaluarën e këngëtarit. Mandi Nishtulla ka folur më herët hapur për problemet që ka pasur me përdorimin e lëndëve narkotike.
Në një rrëfim të bërë në vitin 2022, ai tregoi se kishte kaluar një periudhë të vështirë, duke pranuar se kishte krijuar varësi dhe se kjo situatë kishte ndikuar edhe në karrierën e tij muzikore. Për një periudhë, ai ishte shkëputur nga muzika, ndërsa më pas kishte folur publikisht për vështirësitë që kishte përjetuar.
Një vit më vonë, në 2023, emri i Nishtullës u përmend sërish në një çështje të lidhur me lëndët narkotike. Në atë kohë u raportua se ai ishte marrë i pandehur nga Prokuroria e Durrësit, pas një rasti ku ishte arrestuar me lëndë narkotike.
Megjithatë, për videon që po qarkullon aktualisht nuk ka ende një konfirmim se kur është filmuar apo çfarë ka ndodhur konkretisht në momentin e regjistrimit. Për këtë arsye, aludimet që kanë pushtuar rrjetin mbeten të pakonfirmuara, ndërsa vetë këngëtari këmbëngul se sot është mirë dhe se pamjet nuk tregojnë gjendjen e tij aktuale.
