Banorët e Lagjes 15 në zonën e Spitallit, Durrës, kanë ngritur një denoncim publik lidhur me një problematikë që,...
SHOWBIZ
Raimonda Bulku: Nuk më shkonte mendja që një produksion si ‘Ferma VIP’ të merrte poezitë e Mozës nga interneti!
PiranjatPërditësimi i fundit 24 Qershor 2026, 22:05
Në finalen e “Ferma VIP”, poetja Mimoza Ahmeti mori një surprizë nga kolegët e saj, ku mes tyre ishte edhe aktorja Raimonda Bulku. Në skenë u lexuan disa poezi të Mozës, por situata mori një kthesë të papritur kur vetë autorja ndërhyri, duke deklaruar se tekstet nuk ishin të sajat origjinale, por të marra nga interneti dhe të paraqitura me emrin e saj.
Pas kësaj ngjarjeje, Bulku është shprehur se ka mbetur e sikletosur nga ajo që ndodhi atë natë.
Në një intervistë të fundit në “N’qyter me Maksin”, ajo ka treguar më shumë rreth situatës dhe reagimit të saj dhe të kolegëve.
“Padyshim që unë u shqetësova shumë dhe kolegët e mi po ashtu, sepse për të gjithë ishte një gjë e shëmtuar që nuk na takonte neve. Nuk na takonte as të na ndodhte as ta mbanim fare, sepse shkuam me shumë respekt, shkuam për të bërë punën tonë në fund të fundit. Punën tonë që u premtua dhe aty ishte bërë një skenë, një punë e mirë. Ndodh kur je në një spektakël apo në një event që duhet të bësh poezi, herë pas here t’i sjellin, kjo është një rutinë e punës së zakonshme dhe nuk ka ndonjë gjë, herë pas here të lënë t’i zgjedhësh vetë, kjo varet.
Por gjithmonë është regjisori apo ai produksion që e bën këtë event që ka një rregull për poezitë, sa minuta e do ose çfarë lloj poezie do. Ose e zgjedh vetë dhe ke një bashkëpunim, e këtu nuk kishte kohë për të tillë bashkëpunim. Sepse ne do të na kishin bërë nder sikur të na kishin thënë gjeni poezi vetë, të jenë në kaq vargje dhe unë mund të kisha marrë librat e Mozës sepse unë i kam në shtëpi, mund të kisha zgjedhur një poezi brenda minutazhit që ata kanë, duke e zgjedhur nga libri i Mozës do të ishte gjithmonë nga poezitë e saj, do ishte shumë e thjeshtë për mua.
Por duke i sjellë ata dhe duke mos dyshuar kurrë, nuk do mund të dyshonte njeri që një produksion i atij spektakli, qoftë me Abranën apo njerëzit që janë në produksion, nuk mund të dyshonim kurrë që ato poezi mund të ishin gjetur në internet, sipas pretendimeve të Mozës”, u shpreh Bulku.
