Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
SHOWBIZ
Rrezikon të dënohet me 20 vite burg, P. Diddy del të premten para gjykatës! Njihuni me akuzat që do përballet
PiranjatPërditësimi i fundit 30 Shtator 2025, 13:04
Pas më shumë se një viti hetimesh, arrestimi dhe një proces gjyqësor shtatë-javor, reperi i njohur amerikan Sean "Diddy" Combs do të mësojë këtë të premte vendimin përfundimtar të gjykatës. 55-vjeçari u shpall fajtor në korrik për dy akuza për transportim me qëllim prostitucioni, ndërsa u lirua nga akuzat më të rënda për trafikim të qenieve njerëzore dhe shantazh.
Combs u arrestua në shtator të vitit të kaluar në hollin e hotelit “Park Hyatt” në Manhattan dhe akuzat ndaj tij përfshinin një periudhë që shtrihet në mbi tri dekada. Sipas hetuesve dhe dëshmive të paraqitura në gjykatë, ai dhe bashkëpunëtorët e tij dyshohet se kishin përdorur forma të ndryshme presioni, përfshirë kërcënime, dhunë dhe kaseta komprometuese, për të detyruar viktimat në marrëdhënie seksuale të paligjshme.
Pavarësisht natyrës së rëndë të çështjes, juria e shpalli Combs fajtor vetëm për shkelje të Aktit Mann, një ligj federal që ndalon transportimin e personave përtej kufijve shtetërorë për qëllime seksuale të paligjshme, edhe nëse personi ka dhënë pëlqimin. Për secilën nga këto akuza, ligji parashikon deri në 10 vjet burg, duke e çuar potencialisht dënimin total deri në 20 vite.
Prokuroria ka kërkuar që Combs të dënohet me të paktën katër deri në pesë vite burg, duke marrë parasysh natyrën e përsëritur të veprimeve dhe ndikimin që ka pasur mbi viktimat. Nga ana tjetër, mbrojtja ka apeluar vendimin dhe kërkon një dënim jo më të gjatë se 14 muaj. Avokatët e reperit theksojnë se ai ka kaluar tashmë mbi një vit në paraburgim federal dhe pretendojnë se "është ndëshkuar mjaftueshëm" përmes dëmit të pariparueshëm në karrierën, reputacionin dhe trashëgiminë e tij artistike.
Seanca e shpalljes së dënimit do të zhvillohet më 3 tetor. Edhe pse mund të përballet me një dënim të rëndë, pritshmëritë janë që ai të marrë një dënim më të lehtë, duke u bazuar në kohën e kaluar tashmë në paraburgim dhe mungesën e një dënimi për akuzat më të rënda.
