Një ngjarje e rëndë raportohet të ketë ndodhur paraditen e kësaj të enjte, në një mal në Kopaçez n&eu...
SHOWBIZ
Shqiptarët bëjnë gjestin fisnik, i dhurojnë artistit të madh Çun Lajçi një makinë
PiranjatPërditësimi i fundit 1 Tetor 2025, 12:41
Aktori, dhe botuesi i njohur Çun Lajçi ka ndarë me ndjekësit e tij një moment të veçantë, ku përmes një postimi në Facebook, ai ka bërë të ditur se ka marrë një makinë dhuratë nga një grup bamirësish nga Gjilani, të cilët jetojnë dhe punojnë në Cyrih, Zvicër. Bëhet fjalë për një “Benz” të përdorur, por me simbolikë të madhe, i cili do ta ndihmojë artistin në udhëtimet e tij të vazhdueshme nëpër Kosovë, ku shpesh e shohim me kuferin plot libra e mall për lexuesit.
“Thonë: Idhnimin e gëzimin ndaj miqve, i pari tretet si hije në diell, e i dyti rritet si kangë në zemër! Sot gëzimin tim po e ndaj me ju, që s’e kursyet respektin ndaj meje e librat e mi i morët si dhanti shpirti,” shkruan Lajçi në postim.
Ai ndan edhe fjalët e njërit nga dhuruesit, Nexhati, i cili mes tjerash kishte shkruar:
“Jam rritë me recitimet tua… kam derdhë lot sa herë t’kam pa në skenë me një grusht dhé e me një plis të djegun. Ti na dhe shpresë për një Kosovë të lirë e na frymëzove me vargjet e Fishtës, ndaj e meriton një jetë të dinjitetshme, o artisti i Kombit.”
Lajçi e ka cilësuar këtë dhuratë si një kurorë për mbi pesë dekada punë artistike dhe gati tetë dekada jetë, një dëshmi se arti, fjala dhe ndjenja nuk plaken kurrë kur mbahen gjallë nga dashuria e njerëzve.
Në fund, ai shprehu falënderim publik për bamirësit, Jasharin dhe Nexhatin:
“Faleminderit Jashar, faleminderit Nexhat! Bamirësia juaj u shndrit si dritë dhe mos u harroftë kurrë. Zoti kurrë mos ua ngushtoftë as zemrën as sofrën!”
