Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Taylor Swift dhuron 100 mijë dollarë për trajtimin e një vajze dy vjeçare me kancer
PiranjatPërditësimi i fundit 18 Tetor 2025, 11:22
Taylor Swift ka prekur publikun me një gjest human të rrallë, duke dhuruar 100 mijë dollarë (rreth 86 mijë euro) për trajtimin e Lilah, një vajze vetëm dyvjeçare që po lufton me kancer në fazën e katërt.
Dhurata bujare e këngëtares erdhi vetëm dhjetë ditë pasi një video e vogëlushes u bë virale në rrjetet sociale. Në pamjet prekëse, Lilah shihej duke ndjekur klipin e këngës “Fate of Ophelia” dhe duke thënë plot gëzim: “Ajo është mikja ime!”
Familja e Lilah-s kishte hapur një faqe në GoFundMe për të mbledhur fonde për trajtimin e saj, pasi sëmundja ishte diagnostikuar që kur ajo ishte vetëm 18-muajshe. Taylor, e prekur nga historia e saj, vendosi të kontribuonte më 17 tetor, duke lënë edhe një mesazh personal:
“Po i dërgoj një përqafim të madh mikes sime, Lilah!” Pas këtij gjesti, mijëra fansat e saj besnikë Swifties ndoqën shembullin e saj duke dhuruar shuma simbolike prej 13 dollarësh, një numër që ka domethënie të veçantë për këngëtaren.
Ndërkohë, Taylor Swift po shijon edhe një tjetër sukses historik. Albumi i saj i 12-të në studio, “The Life of a Showgirl”, është shitur në më shumë se katër milionë kopje brenda vetëm një jave në SHBA, duke thyer rekordin që për gati një dekadë mbahej nga Adele.
Me këtë arritje, Swift është bërë artisja solo me më shumë albume që kanë arritur numrin 1 në Billboard 200 plot 15 albume duke kaluar Drake dhe Jay-Z, të cilët kanë nga 14. Përpara saj qëndron vetëm grupi legjendar The Beatles, me 19 albume që kanë kryesuar listën.
