Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
SHOWBIZ
Vdekja e Eldion Kelmendit, ish-banori i 'BBVK' tregon gjendjen e Gjestit: Ishte shumë rëndë
PiranjatPërditësimi i fundit 28 Shtator 2025, 13:55
Ish-banori i "Big Brother VIP Kosova", Burim Vatovci, ka ndarë momentet e tij të prekshme gjatë varrimit të Eldion Kelmendit, vëllait të këngëtarit Gjesti. Gjatë një interviste televizive, Vatovci tregoi se momenti i takimit me Gjestin ishte i dhimbshem, duke theksuar se ky ishte një rast tronditës që i kishte shokuar të gjithë.
“Gjesti ishte në shumë gjendje të rëndë dhe është shumë e kuptueshme sepse është një rast tronditës që na ka shokuar të gjithëve,” u shpreh Vatovci, duke shtuar se shpreson që familja të gjejë forcë në këto momente të vështira. “Shpresoj që me ndihmën e Zotit, t’i çoj sabër familjes,” theksoi ai.
Vatovci vazhdoi duke përshkruar përqafimin e tij me Gjestin, duke e cilësuar atë si një moment vëllazëror. “Kuptova që kishte një gjendje jo të mirë, i dorëzuar prej jetës. Sa e pashë, e ngushëllova dhe e përqafova shumë si me përqafu një vëlla timin, sepse e kam pas një kohë me të, e njoh pak a shumë,” tha ai.
Ish-banori i “BBVK” tregoi se i tha Gjestit disa fjalë inkurajuese, duke e mbështetur në këtë moment të vështirë. “I thashë në vesh, ‘llogarit si vëlla të vogël ki mem pasë gjithë’,” përfundoi ai, duke shprehur dhimbjen për humbjen e vëllait të Gjestit.
