Situata përpara Ministrisë së Arsimit ka përshkallëzuar sërish në përplasje të dhunshme fizike mes efektivëv...
SHOWBIZ
Vdekja e Mazonakis, analizat zbulojnë dy substanca qetësuese
PiranjatPërditësimi i fundit 13 Tetor 2026, 14:44
Rezultatet e para të analizave toksikologjike në çështjen e vdekjes së Mazonakis kanë identifikuar praninë e propofolit dhe midazolamit, dy substanca që përdoren për anestezi dhe qetësim. Sipas raportimeve të mediave greke, mjeku i akuzuar i kishte kërkuar këto dy substanca përmes Inteligjencës Artificiale. Autoritetet po hetojnë rrethanat në të cilat ato janë administruar.
Dyshohet se këngëtari ishte sedatuar në një klinikë në Kolonaki, përpara se t’i nënshtrohej një procedure plazmafereze, një trajtim që konsiston në filtrimin e plazmës së gjakut. Gjetjet fillestare të analizave toksikologjike pritet të shqyrtohen në kuadër të hetimit për të sqaruar rrethanat e ngjarjes. Prania e këtyre substancave, në vetvete, nuk përcakton shkakun e vdekjes.
Ndërkaq, kasaforta e sekuestruar nga autoritetet në shtëpinë e këngëtarit Giorgos Mazonakis në Voula rezultoi përfundimisht bosh. Kasaforta ishte marrë nga banesa pas vdekjes së këngëtarit në zyrën e mjekut në rrugën Karneadou, në Kolonaki, dhe ishte bërë objekt diskutimesh lidhur me përmbajtjen e saj.
Avokati i Mazonakis deklaroi se kishte konsideruar procedurën si të panevojshme, por se nuk kishte kundërshtuar verifikimin e kasafortës, me qëllim që t’i jepej fund spekulimeve për atë që mund të ndodhej brenda saj.
“E kisha thënë se ishte një akt procedural i panevojshëm, por pavarësisht kësaj, nuk ishim kundër procedurës që po kryhej për t’i dhënë fund gjithë kësaj parafilologjie që ishte zhvilluar në lidhje me atë që përmbante. U konfirmua se ishte absolutisht bosh”, u shpreh avokati. Kështu, pas kontrollit të autoriteteve, rezultoi se në kasafortë nuk kishte asnjë send apo dokument.
