Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
SOCIALE
Fara e kalbur e patates, fermeri i Maliqit denoncon skandalin: Humba 30 milionë lekë, shteti nuk çan kokën për ne
PiranjatPërditësimi i fundit 1 Qershor 2026, 12:10
Fermerët e zonës së Maliqit, të cilët kanë rënë pre e mashtrimit me farat e pakontrolluara bujqësore, duke i çuar drejt një falimentimi të sigurt.
Përtej mundit dhe djersës në parcelat e mbjella, mungesa e theksuar e kontrollit nga institucionet shtetërore e ka kthyer bujqësinë në një lojë të rrezikshme bixhozi, ku humbësi i vetëm mbetet gjithmonë fermeri. Krenar Kreka nga fshati Ormani i Maliqit në studion e ‘Kafe Shqeto’ denoncoi braktisjen e shtetit.
Ai raporton për një dëm kolosal prej rreth 30 milionë lekësh të vjetra vetëm për këtë vit. Shkaku kryesor është fara e patates e blerë nga importues të lidhur me rrjete të fuqishme tregtare dhe politike, e cila ka rezultuar tërësisht e degraduar. Sipas tij, vetëm 30% e farës së mbjellë ka arritur të mbijë, ndërsa 70-75% e saj ka kalbur plotësisht nën dhe, duke mos pasur fuqi mbirëse.
Denoncimi tregon se fara është blerë përmes filialeve që operojnë me pika të rëndësishme në zonën e Lumalasit dhe Lushnjës, pa asnjë certifikim apo garanci për cilësinë. Pasi ka konstatuar dëmin e madh, fermeri ka kontaktuar drejtpërdrejt tregtarët, por përgjigjja e tyre ka qenë arrogante. Ndërkohë, heshtja e institucioneve është shurdhuese.
Fjala e fermerit:
Tek ne po vijnë fara jo të kontrolluara. Gjithmonë kemi mbjellë sasira të mëdha patate, por sivjet ka dalë një farë shumë e degraduar.
Gjithmonë kemi mbjellë sasira të mëdha patate, por sivjet ka dalë një farë shumë e degraduar. Nuk ka mbirë. Ka mbirë rreth 30% e saja. Nga fara jo të certifikuar e kontrolluara.
Flavio Qarri: Po unë e di tani, me informacionet që unë kam dhe aq sa e kam ndjekur unë bujqësinë, që te farat ka një kontroll shumë të fortë edhe politik, se janë njerëz të lidhur me pushtetin, këta që merren. Jo Josif Gorrea i Divjakës, jo ca të tjerë në zonën e Lushnjës, që sigurisht ata shumë të lidhur.
Fermeri: Po andej ka ardhur fara. Andej nga Lushnja ka ardhur fara. Unë e kam marrë në Lumalas te Enver Shaulli. ky Petrit Qemali ka një filial që ia lëshon këtij farën që e shet. Për vit kemi dalë tamam me farën, sivjet ajo doli siç të thashë. Ka dhe fermerë të tjerë shumë, po ai këtyre të tjerëve u vajti, se po të bëheshim në grup neve e godisnim këtë. Kurse kështu tek, unë s'kam çfarë i bëj.
Shteti nuk na kontrollon. Unë i kam ngritur të tëra shqetësimet, te drejtoria në Korçë, në AKU-ja, te mbrojtja e bimëve, te bashkia, ata thjesht triblojnë. Unë e kam rreth 30 milionë dëmin, momentalisht. Ka shumë fermerë në zonë, po ai e pa që doli kjo gjë edhe u vajti, ua mbylli gojën domethënë këtyre të tjerëve. Unë si duket kam ca më shumë edhe s'do
Me pataten nuk ka ndodhur. Me farat e tjera kemi dëgjuar, po me pataten jo deri tani. Bëj çfarë të duash më tha mua, nuk më bën asnjë njeri gjë. Bëj çfarë të duash, gjej ku të duash, le t'i japë lekët shteti më tha, e shoqja në telefon.
Nuk e duan bujqësinë fare. Nuk po na ndihmojnë për asgjë. Që nga pesticidet, që nga dapi, që nga farat. Sivjet desha ujë për të vaditur, ujë mungon, ka probleme, se bashkia nuk akordon fonde që të bëhen më përpara këto gjëra. Të pastrohen kanalet, ku është problemi. Vetëm e të thirrur, po si dilet kështu, ja me të qarë që t'i japë ndonjë gjë.
Jemi komshinj me grekun, në zonën e Prespës ra breshëri para nja dy vjet, iu dëmtuan atyre. Për 24 orë të tërë agronomët e shtetit erdhën atje. Bënë vlerësime... çfarë i takonte popullit ia dëmshpërblyen, i thanë kaq mundësi keni edhe u mbaroi filmi. Kurse ne, ne s'na çan kokën fare njeri. Ne jemi në mëshirë të fatit tonë. Po na eci, na eci, s'na eci, s'na eci
30 vitet e fundit unë jam bërë vetë fermer, nga e keqja edhe vetë agronom. Unë iu thashë, më bëni analizat e kokrrës të patates, të patates. Ata më bënin analizat mua të vrugut të patates
