Ditën e sotme ka nisur viti i ri shkollor 2026-2027, ndërsa në ZVA bashkia Vlorë-Himarë do të ulen për herë t&eum...
SOCIALE
Importet e naftës u rritën në mars pavarësisht rritjes së çmimit
PiranjatPërditësimi i fundit 28 Prill 2026, 19:29
Importet e naftës në muajin mars 2026 kanë shënuar rritje krahasuar me të njëjtën periudhë të një viti më parë, duke sinjalizuar një zgjerim të konsumit të brendshëm pavarësisht çmimeve të larta të karburanteve në treg.
Sipas të dhënave, në mars 2026 janë importuar 53,600 tonë naftë, nga 52,100 tonë në mars 2025. Kjo përkthehet me rritje rreth 3%, në krahasim vjetor. Zhvillimi tregon se kërkesa për karburant mbetet e fortë, e nxitur nga aktiviteti ekonomik dhe përdorimi i lartë në sektorë si transporti dhe shërbimet.
Rritja e importit në mars vjen në një kohë kur çmimet e karburanteve kanë qenë të luhatshme dhe në nivele relativisht të larta, çka në teori do të pritej të frenonte konsumin. Megjithatë, të dhënat sugjerojnë të kundërtën: kompanitë kanë shtuar furnizimin për të përballuar kërkesën.
Në të kundërt, nëse shihet ecuria për tremujorin e parë të vitit 2026, vihet re një rënie e importit total të karburanteve krahasuar me të njëjtën periudhë të një viti më parë. Për tre muajt e parë të vitit janë importuar rreth 155,668 ton, duke reflektuar një tkurrje që lidhet kryesisht me performancën më të dobët të muajve janar dhe shkurt.
Kjo dinamikë tregon një fillim viti më të ngadaltë për konsumimin e karburanteve, i cili është rikuperuar pjesërisht në mars. Faktorë sezonalë, kushtet e motit, si dhe luhatjet në aktivitetin ekonomik mund të kenë ndikuar në këtë ecuri të diferencuar mujore.
