Teksa vizitoi Edison Adrin, efektivin e plagosur rëndë në Spitalin e Traumës në Tiranë, kryepolici Skënder Hita bëri e...
SOCIALE
Patronazhistët me pensione të larta, kontributorët e vërtetë në varfëri
PiranjatPërditësimi i fundit 2 Tetor 2025, 15:37
Çështja e pensioneve është një ndër diskutimet që kohët e fundit ka marrë mjaft vëmendje në vendin tonë.
Drejtoresha ekzekutive e “Shoqërisë Shqiptare për të Gjitha Moshat”, Mira Pirdeni, në një prononcim për Piranjat.al, ka treguar se pensione të larta po përfitojnë vetëm njerëzit me lidhje politike dhe patronazhistët, të cilët sipas saj nuk kanë dhënë ndonjë kontribut të veçantë:
“Nuk mund të rritet pensioni në të njëjtën mënyrë si për ata që kanë pensione të larta, të cilët janë njerëzit e tyre, patronazhistët e tyre, që kanë marrë pensione që nuk u takojnë, sepse nuk kanë dhënë ndonjë kontribut të veçantë përveç patronazhimit.”, ajo shton se “ndërsa ata që kanë dhënë vërtet kontribute, nuk marrin dot atë që u takon.”
E plotë:
“Pensionet e vogla duhet të rritën sepse janë njerëz të cilëve u janë ngrënë kontributet, dhe në mënyrë të veçantë grave të moshuara, të cilat kanë punuar në të gjitha industritë e vendit dhe kanë mbajtur jetën ekonomike të vendit, janë me pensione shumë të ulëta, një gjë që është nën varfëri, nuk është një pension normal, dhe ti nuk mund ta rrisësh pensionin si për ata që kanë pension të lartë që janë njerëzit e tyre, patronazhistat e tyre të cilët kanë marrë pensione që nuk ju takojnë, se nuk kanë dhënë ndonjë kontribut të veçantë përveç patronazhismit, dhe këta që kanë dhënë vërtetë kontribute, nuk marrin dot, unë vetë personalisht marr pension të ulët edhe pse kam punuar për 35 vitë në Institutin e Shëndetit Publik, dhe 35 vite kam vullnetarizëm të papaguar, dhe pensioni im është 280 mijë lekë, që më është bërë tani vonë aq, se kam dalë me 140 mijë lekë.
Çfarë mund të bëj unë me 280 mijë lekë, nëse nuk paskam punuar në 60 vite për një pavarësi financiare, por duhet të shikoj duart e fëmijëve të mi, pse duhet të jem unë një grua e varur, kur kam kaq shumë kontribut, dhe kam një kontribut unikal, dhe shoh që disa njerëz, që janë fare pa kontribute, përveçse punëve të errëta që kanë bërë për Shqiperinë, ato marrin pensione më të larta, dhe përse duhet të ketë një ndarje të tillë, që ata që kanë marrë edhe rroga më të mëdha, marrin edhe pensionet më të mëdha, ndërkohë që dihet, ka një raport të KiE që thotë se në Shqipëri punojnë të varfërit dhe pensionistët”
(Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016)
