Një seri manovrash janë përdorur nga Belinda Balluku, për të përfituar një vilë luksoze me pishinë në një...
SPORT
Barcelona është një hap larg titullit të La Ligës, festa mund të fillojë që fundjavën e ardhshme
PiranjatPërditësimi i fundit 25 Prill 2026, 23:58
Barcelona e sheh vijën e finishit gjithnjë e më afër. Pas një fitoreje 2-0 ndaj Getafes, me golat e Fermin Lopez dhe Markus Rashford, skuadra e Hansi Flik është tani një hap larg fitimit të La Ligas.Barazimi i Real Madridit kundër Betisit, i kombinuar me fitoren e katalanasve, e ka çuar epërsinë e blaugranave në 11 pikë me pesë ndeshje të mbetura në ligë. Kjo diferencë u lejon katalanasve të fillojnë të llogarisin se kur mund të festojnë titullin e tyre të 29-të.
Mundësia për të festuar që fundjavën e ardhshme është reale, Barcelona duhet të fitojë të shtunën në mbrëmje kundër Osasunës në El Sadar dhe pastaj të shpresojë që Real Madridi të humbë kundër Espanjolit. Në këtë rast, La Liga do të ishte matematikisht e siguruar.
Nëse diferenca mbetet e pandryshuar, gjithçka mund të vendoset në El Clasico më 10 maj në Spotify Camp Nou, edhe një barazim do të ishte i mjaftueshëm që blaugranët të kurorëzoheshin kampionë para tifozëve të tyre.
Si alternativë, do të ishin tre ditët e fundit të ndeshjeve, me Barcelonën që do të luajë kundër Alavesh, pastaj kundër Betis dhe në fund kundër Valencias. Një finale sezoni që mund të shndërrohet shpejt në një festë të madhe për tifozët katalanas.
