Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
SPORT
Capello: Italia tani nuk ka kampionë, shpresoj të ringjallemi si në 2022
PiranjatPërditësimi i fundit 21 Nëntor 2025, 08:15
Ditën e djeshme pas hedhjes së shortit të playoff-it për Kupën e Botës 2026, Gazzetta dello Sport ka intervistuar Fabio Capellon, i cili ka komentuar situatën e Kombëtares italiane dhe punën e bërë nga Gennaro Gattuso deri më tani.
Capello vlerësoi trajnerin e ri të Italisë, duke theksuar se Gattuso mori drejtimin e skuadrës në një moment të vështirë:
“Gattuso mori ekipin pas dy ndeshjeve të para të grupit, arriti disa fitore dhe i dha skuadrës pak frymë dhe shpirt gare. Nuk pamë lojë të madhe apo personalitet të jashtëzakonshëm, por humbja ndaj Norvegjisë kishte lënë gjurmë të thella te lojtarët,” u shpreh ish-trajneri i Milanit.
Megjithatë, sipas Capellos, Gattuso ka bërë detyrën: “Rino bëri atë që duhej. Humbja me Norvegjinë na detyron të reflektojmë për kapacitetet tona reale. Kam dëgjuar çfarë u tha ai lojtarëve pas ndeshjes…”
Capello theksoi se Italia nuk ka më lojtarë të nivelit të lartë si në të kaluarën, ndaj duhet punuar te mentaliteti kolektiv:
“Tani nuk kemi kampionë të mëdhenj, ndaj gjëja më e rëndësishme është të krijojmë mentalitet grupi. Por kjo është e vështirë, sepse historikisht Italia ka bërë mirë në turne të mëdha kur ka pasur bërthamën e një skuadre të fortë. Sot jemi pak të fragmentuar, çdo lojtar vjen nga realitete të ndryshme.”
I pyetur për ekipin që Italia nuk do të donte të përballej në playoff, Capello ishte i prerë:
“Do të preferoja sërish Maqedoninë e Veriut, vetëm për revansh, pas asaj që ndodhi në 2022.”
