Një nënë nga Korça, Volsjana Plasa, denoncon se djali i saj 4-vjeçar është dhunuar nga edukatorja në kopshtin nr. ...
SPORT
Debutimi me Kombëtaren kuqezi, trajneri Maran bën ndryshime në formacionin kundër Izraelit
PiranjatPërditësimi i fundit 3 Qershor 2026, 09:11
Shqipëria do të luajë sot një ndeshje miqësore ndaj Izraelit, e cila njëkohësisht do të jetë e para për kuqezinjtë nën drejtimin e trajnerit italian Rolando Maran.
Tekniku nuk ka pasur kohë të mjaftueshme për të përgatitur këtë takim, duke qenë se skuadra ka zhvilluar vetëm 2 seanca stërvitore nën drejtimin e tij, megjithatë vetë trajneri u shpreh se ua ka dhënë idetë e tyre lojtarëve. Në debutim me Shqipërinë, pritet që Maran të bëjë ndryshime në formacion dhe menjëherë, do të provojë që të luajë me skemën e preferuar dhe pritet që të ketë një Shqipëri me 4-3-1-2.
Në portë, me shumë gjasa do të jetë Alen Sherri titullar, ndërkohë që në mbrojtje pritet të jetë Mitaj dhe Hysaj nga krahët, e në qendër të ketë hapësirë për dyshen Gjimshiti-Ajeti.
Në mesfushë, me shumë gjasa do të jenë Shehu, Asllani dhe Ramadani që do të jenë më shumë në ndihmë të mbrojtjes, ndërkohë që më i avancuar, pritet të jetë Nedim Bajrami, në rolin e organizatorit i cili është në balotazh me Anis Mehmetin.
Dyshja e sulmit, me shumë gjasa do të përbëhet nga Armando Broja dhe Myrto Uzuni, megjithëse edhe Daku është një alternativë për ta nisur titullar. Ditën e sotme, trajneri pritet të ndajë përfundimisht edhe formacionin duke qenë se ka dilema deri në momentin e fundit, jo vetëm për titullarët, por edhe për skemën të cilën do të përdorë.
