Një nënë nga Korça, Volsjana Plasa, denoncon se djali i saj 4-vjeçar është dhunuar nga edukatorja në kopshtin nr. ...
SPORT
Siguri e shtuar për ndeshjen Shqipëri-Izrael, “blindohet” stadiumi ‘Air Albania’
PiranjatPërditësimi i fundit 2 Qershor 2026, 19:05
deshja miqësore mes Shqipërisë dhe Izraelit po zhvillohet nën masa të forta sigurie, një situatë që është bërë e zakonshme në çdo përballje të kuqezinjve me këtë kundërshtar.
Që në ditën e parë të aktiviteteve zyrtare para ndeshjes, u vu re një prani e shtuar e forcave të rendit në zonën përreth stadiumit. Krahas policisë, Federata Shqiptare e Futbollit ka angazhuar edhe një numër më të madh punonjësish të sigurisë private për mbarëvajtjen e aktivitetit.
Masat e sigurisë u shtrinë edhe brenda impiantit sportiv, ku u kryen kontrolle të detajuara me qen të specializuar anti-eksploziv në tribunat e stadiumit, përpara konferencave për shtyp dhe seancave stërvitore të dy ekipeve kombëtare.
Skena të ngjashme janë regjistruar edhe në vitet e kaluara gjatë ndeshjeve mes Shqipërisë dhe Izraelit. Megjithatë, këto masa kanë shkaktuar shpesh pakënaqësi te tifozët, të cilët përballen me procedura të gjata kontrolli dhe pritje në hyrjet e stadiumit.
Autoritetet synojnë që përmes këtyre masave të garantojnë sigurinë dhe mbarëvajtjen e aktivitetit sportiv, ndërsa pritet që kontrollet e shtuara të vijojnë edhe në ditën e ndeshjes.
