Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
SPORT
Egnatia nuk është e pamposhtur/ Elbasani fiton 2-1 dhe i shkakton rrogozhinasve humbjen e parë
PiranjatPërditësimi i fundit 13 Shtator 2026, 21:11
Elbasani ka marrë tri pikë të rëndësishme në shtëpi, duke mundur Egnatian me rezultatin 2-1 në javën e katërt të Abissnet Superiore. Për verdheblutë, kjo ishte fitorja e parë e sezonit, ndërsa Egnatia pësoi humbjen e parë në kampionat.
Ndeshja u zhbllokua në minutën e 41-të. Nikaj përfitoi nga pasimi i Mazarit dhe me një goditje diagonale mposhti portierin Dajsinani, duke kaluar Elbasanin në avantazh.
Egnatia reagoi vetëm tre minuta më vonë. Montenegro shfrytëzoi krosimin e Loukilit dhe me kokë dërgoi topin në rrjetë, duke barazuar rezultatin në 1-1.
Elbasani nuk priti gjatë për të rikthyer avantazhin. Në minutën e dytë të shtesës së pjesës së parë, Nikaj realizoi sërish, këtë herë pas një aksioni individual.
Sulmuesi shmangu dy kundërshtarë dhe mposhti Dajsinanin për herë të dytë.
Në pjesën e dytë, Egnatia kërkoi golin e barazimit dhe pati disa raste, por mbrojtja e Elbasanit rezistoi deri në fund. Në minutat e fundit pati edhe tension dhe protesta për disa vendime të gjyqtarit, por rezultati nuk ndryshoi.
Me këtë fitore, Elbasani merr tri pikët e para të sezonit, ndërsa Egnatia largohet nga Elbasani pa pikë dhe regjistron humbjen e parë në kampionat.
