Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
SPORT
Elbasani në aksion për Europën, merkato e fokusuar në çdo repart
PiranjatPërditësimi i fundit 3 Qershor 2026, 14:18
Sezoni sapo ka përfunduar, por tek Elbasani nuk ka kohë për shumë pushime. Nëse futbollistët po shijojnë ditët e para larg fushave, drejtuesit verdheblu kanë nisur prej kohësh punën për ndërtimin e skuadrës që do të përfaqësojë klubin në sezonin e ardhshëm, si në kampionat ashtu edhe në arenën ndërkombëtare.
Pjesëmarrja në kupat e Europës ka ndryshuar disi planet e merkatos, pasi tashmë objektivat janë më të mëdha dhe kërkesat më të larta. Drejtuesit janë të vetëdijshëm se skuadra ka nevojë për përforcime në disa reparte për të përballuar një kalendar më të ngjeshur dhe një nivel më të lartë rivaliteti.
PËRFORCIME NË ÇDO REPART Sipas informacioneve pranë klubit, Elbasani po monitoron futbollistë në të gjitha repartet e fushës. Nga porta deri në sulm, drejtuesit dhe stafi teknik po analizojnë alternativa të ndryshme për të rritur cilësinë dhe konkurrencën brenda grupit. Edhe pse skuadra zhvilloi një sezon shumë pozitiv duke u renditur në vendin e dytë, brenda klubit ekziston bindja se për të qenë konkurrues në Europë nevojiten më shumë alternativa. Në disa pozicione ka pasur mungesë zgjedhjesh gjatë sezonit, ndërsa dëmtimet apo pezullimet shpesh kanë kufi zuar mundësitë e stafi t teknik. Për këtë arsye, merkatoja nuk do të fokusohet vetëm te zëvendësimi i lojtarëve që mund të largohen, por edhe te afrimi i elementëve që sjellin më shumë cilësi dhe eksperiencë.
EUROPA NDRYSHON PLANET Pjesëmarrja në kompeticionet europiane është një mundësi e madhe për klubin, por njëkohësisht edhe një sfi dë serioze. Përballja me skuadra nga kampionate të ndryshme kërkon një grup më të kompletuar dhe me më shumë alternativa sesa ato që nevojiten vetëm për kampionatin shqiptar. Drejtuesit nuk duan që pjesëmarrja në Europë të mbetet thjesht formale. Ambicia është që skuadra të paraqitet denjësisht dhe të tentojë të kalojë të paktën raundet e para të kompeticionit. Për këtë arsye po punohet me kujdes për të identifi kuar futbollistë që mund të japin kontribut të menjëhershëm. Eksperienca ndërkombëtare është një tjetër element që po merret në konsideratë. Lojtarët që kanë luajtur më parë në kompeticione europiane shihen si profi le të vlefshme, pasi mund të ndihmojnë skuadrën në ndeshje me presion të lartë.
RUAJTJA E BËRTHAMËS Paralelisht me kërkimet në treg, klubi po punon edhe për rinovimet. Drejtuesit janë të bindur se suksesi i këtij sezoni erdhi falë grupit të krijuar dhe për këtë arsye nuk duan të humbasin elementët më të rëndësishëm. Fillimisht synohet rinovimi i kontratave me futbollistët që konsiderohen pjesë e projektit afatgjatë. Vetëm pas qartësimit të situatës së tyre do të intensifi kohet puna për afrimet e reja. Megjithatë, disa largime duken të pashmangshme. Futbollistët që kanë pasur më pak aktivizime gjatë sezonit mund të kërkojnë më shumë hapësira diku tjetër, ndërsa klubi do të vlerësojë çdo rast individualisht.
SYTË NGA SHORTI Ndërsa merkatoja po merr formë, në ambientin verdheblu po pritet me interes edhe momenti i shortit europian. Elbasani nuk bën pjesë mes skuadrave favorite dhe për këtë arsye ekziston dëshira që fati të jetë aleat i ekipit. Një kundërshtar i përballueshëm do të rriste ndjeshëm shanset e skuadrës për të avancuar në turin pasardhës dhe për të fi tuar eksperiencë të vlefshme në skenën ndërkombëtare. Në klub janë të vetëdijshëm se çdo ekip europian meriton respekt, por një short i favorshëm mund të bëjë diferencën në objektivat e sezonit. Në të kundërt, përballja me skuadra me traditë dhe buxhete shumë më të mëdha do ta vështirësonte ndjeshëm rrugëtimin e verdhebluve që në hapat e parë.
Te Reali i Madridit vijon fushata elektorale mes presidentit aktual Florentino Perez dhe sfidantit të tij Enrique Riquelme mes sulmeve ndaj njëri-tj...
