Dhjetëra studentë janë grumbulluar në sheshin “Skënderbeu” në Prishtinë ditën e sotme, ndërsa po prot...
SPORT
Festat/ Guardiola iu jep ultimatum lojtarëve: Asnjë kilogram shtesë ndryshe i pret stoli
PiranjatPërditësimi i fundit 22 Dhjetor 2025, 12:59
Pep Guardiola ka urdhëruar që lojtarët e Mançester Sitit nuk duhet të shtojnë peshë për Krishtlindje.
Trajneri spanjoll i ka paralajmëruar lojtarët e tij, kushdo që bëhet mbipeshë pas 25 dhjetorit nuk do të udhëtojë për ndeshjen jashtë fushe kundër Notingam Forest. Duke qenë se pothuajse e ka arritur Arsenalin pas një nisjeje të ngadaltë dhe duke mbetur vetëm dy pikë larg kreut të Premier Ligës, Guardiola nuk dëshiron ta humbasë punën e bërë deri më tani.
Ai e kishte anuluar tashmë kërkesën e lojtarëve për të pasur pushim të dielën pas fitores 3-0 ndaj Uest Ham, duke besuar se skuadra nuk kishte luajtur mjaftueshëm mirë, siç zbuloi Daily Mail dhe tani ka vendosur t’u imponojë një test të shkallës së lartë të gjithë lojtarëve pas festimeve të Krishtlindjeve për të kontrolluar dëmin e shkaktuar nga të ngrënit pa pushim gjatë tre ditëve të pushimit.
“Kur të mbërrijnë pas tre ditësh, dua të shoh se si ndihen “, paralajmëroi Guardiola, i cili fluturoi për në Barcelonë të dielën për të qenë me babanë e tij 94-vjeçar.
“Ata mund të hanë por dua t’i mbaj nën vëzhgim”, shpjegoi spanjolli. “Duhet të bëj një përzgjedhje për ndeshjen e 27-të kundër Notingam Forest. Imagjinoni një lojtar që është perfekt tani, por që vjen me tre kilogramë shtesë? Ai do të qëndrojë në Mançester dhe nuk do të udhëtojë me ne, kjo është e sigurt”, përfundoi Guardiola.
