Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SPORT
FOTO/ Flamurtari akuzon për racizëm ish-lojtarin dhe ish-trajnerin e Burrelit, Ditmar Bicajn
PiranjatPërditësimi i fundit 6 Shtator 2025, 13:20
Klubi i Flamurtarit ka akuzuar ish-trajnerin e Burrelit, Ditmar Bicaj, për racizëm dhe gjuhë diskriminuese ndaj lojtarëve të ekipit vlonjat.
Përmes një reagimi në rrjetet sociale, Flamurtari thekson se Bicaj së bashku me gazetarin Ermal Sika kanë kaluar limitet e etikës dhe profesionalizmit.
Më tej, klubi vlonjat thekson se për këtë çështje do të ndjekë rrugë ligjore referuar UEFA-s dhe Ligjit për Mbrojtjen nga Diskriminimi.
“Zyra për Shtyp e Flamurtari Football Club shpreh indinjatën e thellë dhe dënon gjuhën diskriminuese të përdorur në media nga gazetari Ermal Sika dhe ish-mbrojtësi Ditmar Bicaj.
Në artikullin e publikuar, lojëtarët tanë kanë qenë nën kthetrat e racizmit dhe diskriminimit duke lënë nën hijen e zymtë aftësitë e tyre profesionale dhe kontributin në fushën e lojës. Këto fenomene janë të papranueshme dhe bie ndesh me frymën, dhe idealet jo vetëm të sportit, që ka për mision bashkimin e njerëzve, respektin dhe eliminimin e paragjykimeve por edhe në etikën e cdo dite punë të të gjithë personave që punojnë pranë Flamurtari F.C.
Ana njerëzore e përfshin dhe e kalon sportin tek ne! Ashtu si Shqiptarët janë kudo në botë, në sport, në art, në shkencë dhe kontribuojnë me dinjitet e pasion. Askush nuk na ka diskriminuar për origjinën tonë, përkundrazi na kanë respektuar për atë që japim. Të njëjtën gjë ofrojmë dhe ne për futbollistët që sot mbajnë fanellën kuqezi të Flamurtarit: respekt dhe jo paragjykim.
Futbolli është lojë e unitetit, respektit dhe diversitetit. Në çdo anë të botës, përfshirë Shqipërinë, lojëtarët e një skuadre flasin një gjuhë universale, atë te dashurisë ndaj futbollit!
Përveç anës etike, morale dhe njerëzore egziston dhe ajo të cilën ne do të ndjekim, ana ligjore.
UEFA në mënyrë absolute lufton çdo mënyrë racizmi apo diskriminimi kundrejtë klubeve si një e tërë apo lojëtarëve individual. Thënë kjo ne rregulloren disiplinore nën Nenin 14: “Racism and other discriminatory conduct”. Përveç UEFA, sipas Ligjit për Mbrojtjen nga Diskriminimi garanton barazi dhe penalizon veprimet diskriminuese dhe nxitjen e urrejtjes, përfshirë edhe në media”-shkruhet në njoftimin e Flamurtarit.
Kujtojmë se Ditmar Bicaj ka qenë pjesë e Flamurtarit në sezonin 2017-2018 dhe 2021-2022, përpara se të mbyllte karrierën si futbollist.
