Gazetarja Anila Hoxha raporton se ai përdori kartën e mikut të mirë dhe tha se i riu ishte shfaqur i shqetësuar për paratë ...
SPORT
Holanda bën show. Japonia pas 'Tulipanëve', Suedia zgjohet vonë dhe duhet të presë
PiranjatPërditësimi i fundit 26 Qershor 2026, 08:18
Holanda ka arritur një fitore bindëse me rezultatin 3-1 përballë Tunizisë në ndeshjen e tretë dhe të fundit të fazës së grupeve.
Në sfidën tjetër deçizive të Grupit F, Japonia dhe Suedia kanë ndarë pikët pas një barazimi luftarak 1-1. “Tulipanët” renditen të parët, “Samurajt” të dytët, nordikët suedezë duhet të presin, ndërsa tunizianët i thonë lamturmirë Botërorit.
Ndeshja nisi në mënyrë mjaft të pafat për Tunizinë, e cila e gjeti veten në disavantazh që në fillim pas një autogoli nga Ellyes Skhiri në minutën e 3-të. Holandezët e shfrytëzuan në maksimum këtë tronditje të kundërshtarit dhe goditën sërish pa humbur kohë; në minutën e 7-të, sulmuesi Brian Brobbey dërgoi topin në rrjetë, duke i dhënë një avantazh të dyfishtë dhe mjaft qetësi skuadrës së tij që në minutat e para.
Në pjesën e dytë, Tunizia tregoi shenja reagimi dhe arriti të rihapë takimin në minutën e 54-t falë një goli nga Hazem Mastouri, i cili ngushtoi shifrat në 2-1. Megjithatë, entuziazmi i tyre zgjati pak. Vetëm tetë minuta më vonë, në minutën e 62-të, Jan Paul van Hecke shënoi golin e tretë për Holandën, duke i prerë hovin Tunizisë dhe duke vulosur rezultatin përfundimtar.
Falë këtij trepikëshi, Holanda e mbyll fazën e grupeve në vendin e parë me 7 pikë të grumbulluara nga tre ndeshje. Ky rezultat u garanton atyre kualifikimin e merituar për në fazën me eliminim direkt, duke u shfaqur si një skuadër solide dhe e gatshme për sfidat e radhës në turne.
Ky rezultat, edhe pse i ekuilibruar, ka pasur vlera të jashtëzakonshme për “Samurajt”, të cilët falë kësaj pike të artë kanë arritur të sigurojnë kualifikimin për në fazën me eliminim direkt të këtij Botërori, duke iu bashkuar Holandës kryesuese.
Pasi pjesa e parë u mbyll me rrjeta të paprekura, emocionet u rezervuan të gjitha për fraksionin e dytë të lojës. Japonia kaloi e para në avantazh në minutën e 56-të falë një finalizimi të saktë nga sulmuesi Daizen Maeda, duke ndezur shpresat për një kualifikim të qetë.
Megjithatë, reagimi i skandinavëve nuk vonoi. Vetëm gjashtë minuta më vonë, në minutën e 62-të, talenti Anthony Elanga riktheu baraspeshën duke shënuar për Suedinë dhe duke hapur sërish llogaritë.
Pavarësisht përpjekjeve nga të dyja anët në minutat e mbetura për të gjetur golin e fitores, rezultati mbeti i pandryshuar. Kjo pikë i mjaftoi Japonisë për të festuar kalimin e fazës së grupeve, ndërsa Suedia mbyll aventurën e saj në këtë kampionat botëror.
Me 4 pikë nordikët kanë shpresa të kualifikohet si të tretët më të mirë… por duhet pritur, nddeshjet në grupe ende nuk kanë përfunduar.
