Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
SPORT
Italianët nuk kanë dhe aq kujtime të mira për të, Benitez vetëofrohet për stolin e Italisë
PiranjatPërditësimi i fundit 2 Qershor 2026, 11:16
Ndërsa përqendrimi në Kupën e Botës në Meksikë, Kanada dhe Shtetet e Bashkuara është në maksimum, Italia po mundohet të shërojë plagët për mungesën e tretë radhazi në Kupën e Botës dhe pret zgjedhjet federale më 22 qershor për të zbuluar se kush do të jetë presidenti i ardhshëm i FIGC pas Gabriele Gravinës, me barrën e riaktivizimit të lëvizjes italiane të futbollit.
Para kësaj date, do të jetë e pamundur të dihet se kush do të zëvendësojë Rino Gatuzon si trajner. Në fakt, do të jetë Silvio Baldini, trajner i U-21, ai që do të udhëheqë Italinë në miqësoret kundër Luksemburgut dhe Greqisë. Ndërkohë, emrat e Roberto Mançinit, trajneri aktual i Al Sadd, dhe Antonio Konte, i cili sapo ka përfunduar eksperiencën dyvjeçare në stolin e Napolit, janë në buzët e të gjithëve për kombëtaren. Megjithatë, çuditërisht, Rafa Benitez bën një hap, të paktën në deklaratat e tij.
Spanjolli, i cili trajnoi me Interin dhe Napolin në Itali, ndërpreu kontratën me Panathinaikos herët dhe para mikrofonave të ‘SKY Sport’, me rastin e finales së Ligës së Kampionëve mes Arsenalit dhe PSG-së, ai u përgjigj. “Po mësoj dhe përmirësoj italishten time. Duke lënë mënjanë shakatë, trajnimi i një ekipi kombëtar në të ardhmen mund të jetë një opsion i vërtetë për mua. Përgatitja për një Kupë Bote ose një Kampionat Evropian është një sfidë shumë magjepsëse. Tani për tani, shpresoj për një mundësi për të vazhduar të rritemi. Unë, trajner i Kombëtares italiane? Do ta bëja me kënaqësi të madhe”.
Kaq ka deklaruar trtajneri i cili erdhi me bujë të madhe, pasi fitoi Champions me Liverpulin në vitin 2005, pas përmbysjes së paimagjinueshme kundër Milanit në Stamboll, por eksperienca e tij pas këtij triumfi ka qenë jo e mirë, për të mos thënë e keqe apo e keqe fare. Në vitin 2010 është larguar nga Liverpuli në drejtim të Interit. Zikaltërit, të cilët vinin pas tripletës me Murinjon e morën si një shprsë e rindërtimit të skuadrës, por rruga e Benitez ish shumë e shkurtër, ai largohet Brenda vitit. Më pas skuadra të tjera që kkanë kërkuar shërbimet e tij, por vetëm dështime. Dështime me Çelsin, Realin e Madridit, Napolin, Njukasëllin dhe së fundmi largimi me ceremoni nga Panathinaikos.
