Influencerja e njohur Dea Mishel ka ironizuar keq kryeministrin Edi Rama përmes një komenti të bërë në një postim të k...
SPORT
Kupa FA dhuron përrallën e radhës, klubi i fundit në kategorinë e tretë eliminon ekipin e Premier Ligës dhe kap çerekfinalet
PiranjatPërditësimi i fundit 8 Mars 2026, 23:24
Kupa FA zakonisht dhuron histori të jashtëzkonshme, pasi ekipe të kategorive të ulëta kanë shansin që të shkojnë deri në turnet e vonshme të turneut. Dhe këtë vit “përralla” e edicionit mban emrin e Port Vejl, skuadrës e cila mban vendin e fundit në kategorinë e tretë angleze.
Klubi në fjalë sot ka bërë një mrekulli të mirëfilltë, duke fituar 1-0 ndaj Sandërlendit të Premier Ligës e duke siguruar praninë në tetëshe.
Trajneri i skuadrës së Port Vejl, Xhon Bredi, ka qenë jashtëzakonisht i lumtur, por edhe i tronditur, siç u shpreh për “TNT Sport”, pas duelit.
“Të jem i sinqertë, në të vërtetë jam në gjendje shoku”, tha trajneri i skuadrës që mban vendin e fundit në renditje në kategorinë e tretë dhe është kandidate kryesore për rënien. “Kemi kaluar një periudhë ferri, na mbeten edhe 8 javë deri në fund të sezonit. Sulmuesi ynë më i mirë iu shit Lutonit, një djalë tjetër shkoi te Plajmuth dhe kjo do të thotë se 55% e golave dhe asisteve tona u larguan”, vijoi trajneri.
Megjithatë, pas një fitoreje të tillë, është kthyer edhe humori, siç shpjegoi edhe me shkëmbimin që kishte pasur me Granit Xhakën, një nga lojtarët kryesorë të Sandërlendit. “E pyeta “A ke luajtur ndonjëherë në një fushë më të keqe se kjo më parë?” dhe m’u përgjigj “Po, kam luajtur edhe në fusha më të këqija”. Jam pak i tronditur nga rezultati i sotëm. Jo sepse mendoja se nuk mund t’ia dilnim, por sepse mendoja se na duheshim më shumë faktorë në favor”, tha ai.
