12 eurodeputetë të Parlamentit Evropian, kryesisht të djathtë të Partisë Popullore Europiane, i kanë dërguar disa pyet...
SPORT
“Mancini më prekte nga prapanica, i thashë faleminderit” - Haaland jep intervistën më të pazakontë të vitit
PiranjatPërditësimi i fundit 17 Nëntor 2025, 20:10
Për Italinë ndeshja me Norvegjinë ishte një dështim total. Objektivi nuk ishte sigurisht të fitohej me nëntë gola diferencë, por të paktën të fitohej për ta mbyllur mirë grupin; në vend të kësaj përfundoi 4-1 për kundërshtarët, të cilët në fund të ndeshjes bënë ç’të donin.
Nusa dhe Bobb bënë çfarë deshën në krahë, Haaland u zgjua dhe shënoi dy gola, praktikisht me dy goditje në portë. Bomberi i Manchester City pas ndeshjes shpjegoi se kishte gjetur motivimet e duhura nga sjellja e mbajtur nga Mancini ndaj tij, të cilin e talli në mënyrë ironike në fund të Itali–Norvegji.
Norvegjia e dinte se në Milano do të siguronte matematikisht kualifikimin për Botërorin 2026. Haaland para ndeshjes kishte folur për Italinë, për San Siron dhe për Pio Espositon, në një mënyrë pothuajse mburravece. Pikërisht bomber i ri i Interit shënon golin e avantazhit, që Italia e mban deri në minutën e 70-të kur barazon Nusa dhe ndeshja ndryshon. Me dopietën e Haaland dhe golin e Strand Larsen rezultati final bëhet madje 4-1! Një Caporetto, sepse kishin kaluar 70 vjet që Italia nuk humbte kaq keq në shtëpi.
