Investimet kapitale nga buxheti i shtetit arritën në 62,7 miliardë lekë gjatë 9-mujorit, duke realizuar vetëm 35,6% të plan...
SPORT
Mjafton Vlahoviç me një gol nga “tuneli”, Juve fiton ndaj Leçes dhe ruan zonën Champions! Ramadani tentoi eurogolin
PiranjatPërditësimi i fundit 9 Maj 2026, 23:51
Ka përfunduar dueli mes Leçes dhe Juventusit, i vlefshëm për javën e 36-të të Serisë A italiane.
Juventusi ka fituar në transfertë dhe jo pa vështirësi.
Mjaftoi një gol i Vlahoviç nga ‘tuneli’ në minutën e parë dhe tre pikë të arta për torinezët bardhezinj që ruajnë zonën Champions dy ndeshje nga fundi i Serie A.
Rezultati nuk ndryshoi deri në fund, edhe pse Vlahovic shënoi në minutën e 50-të por VAR-i e anuloi, ashtu sikurse edhe golin e Kalulu 10 minuta më pas.
Ylber Ramadani pati një rast të artë në pjesën e parë, duke tentuar eurogolin, por pa sukses.
Bardhezinjtë e Spaletit kërkojnë të “blindojnë” vendin e katërt që të çon në Champions, ndërkohë që Leçe e Ylber Ramadanit, lufton për mbijetesë.
Leçe e Ramadanit kishte pësuar vetëm një herë gol brenda 15 minutave të para gjatë gjithë kampionatit, por kësaj radhe mbrojtja u kap në befasi menjëherë pas nisjes së ndeshjes. Skuadra e drejtuar nga Luçiano Spaleti arriti ta ruajë avantazhin deri në fund, duke rikthyer fitoren pas dy ndeshjeve pa sukses.
Me këtë triumf, Juventusi shkëputet përkohësisht me katër pikë nga vendi i pestë dhe zgjat në 10 ndeshje serinë pa humbje në kampionat. Nga ana tjetër, Leçe i dha fund ecurisë prej tre ndeshjesh pa humbje dhe mbetet katër pikë larg zonës së rënies nga kategoria.
