Në moshën 63-vjeçare, Demi Moore duket se ka hyrë në një nga kapitujt më të lirë dhe më të qetë ...
SPORT
Nga penalltia e përsëritur te goli i sigurisë, Egnatia pushton Laçin në minutat e fundit
PiranjatPërditësimi i fundit 11 Tetor 2026, 16:58
Kampionët nuk falin në transfertë! Egnatia mposht Laçin në minutat e fundit, dy gola "flasin" rrogozhinasit
Egnatia ka siguruar një fitore me vlera të mëdha në transfertën e vështirë të Laçit, duke triumfuar me rezultatin e pastër 2-0 në takimin e vlefshëm për javën e 6-të të Kategorisë Superiore. Edhe pse kurbinasit patën shanset e tyre dhe u ndalën dy herë nga shtylla, kampionët e vendit treguan klasin dhe efikasitetin në momentet vendimtare të ndeshjes.
Pjesa e parë u karakterizua nga një lojë e ekuilibruar, ku të dyja skuadrat kërkuan portën por pa mundur të konkretizojnë. Madje, fraksioni i dytë nisi me shok për rrogozhinasit, teksa Laçi iu afrua mjaftë pranë avantazhit, por u ndëshkua nga shtylla pas goditjes së Nergutit dhe tentativës së Bibos (devijuar nga Sota).
Kur sfida po shkonte drejt një barazimi pa gola, Egnatia fitoi një penallti në minutën e 72-të pas një ndërhyrjeje ndaj Grudës. Ekzekutimi i parë i Loukilit u ndal nga portieri Guri, por pas përsëritjes së 11-metërshit, sulmuesi nuk gaboi duke kaluar kampionët në avantazh në minutën e 80-të.
Pa i lënë kohë vendasve të reagonin, rrogozhinasit vulosën gjithçka në minutën e 89-të, kur Diabate shfrytëzoi më së miri një asist të Grudës për të shënuar golin e dytë dhe për të mbyllur llogaritë e ndeshjes. Me këtë tri-pikësh, Egnatia tregon se mbetet një pretendente kryesore, ndërsa Laçi mbetet me pengun e rasteve të shpërdoruara.
