Një sherr i dhunshëm është shënuar rreth orës 23.00 të së premtes në lagjen nr. 3 të qytetit të Sarand&eu...
SPORT
“Partizani, i mbaruar!”, paralajmërimi i presidentit Demi pas derbit dridh “karriget” te Partizani: Të dy të dështuar
PiranjatPërditësimi i fundit 29 Prill 2026, 07:32
Partizani u mposht nga Tirana në derbi dhe sheh të humbasë një tjetër mundësi për t’u kthyer në “Final Four” e synuar kualifikimin në Europë, objektivi më minimal i të kuqve në këtë sezon. Objektiv i cili nëse nuk realizohet, do të sjellë pasoja të rënda në klubin e kuq, sipas asaj që paralajmëroi presidenti Gazment Demi.
Një fazë më parë, pikërisht pas derbit të fituar ndaj Tiranës, ai ishte i qartë me paralajmërimin e tij ndaj trajnerit Kërnaja dhe drejtorit sportiv Ibraimi nëse nuk realizohej kualifikimi në Europë i skuadrës.
“Mos flasim më shumë, themi të shpresojmë që ne të shkojmë në katërshe dhe të luftojmë për Kupën. Partizani po nuk doli në Europë këtë vit është i mbaruar, jemi me koeficientin më të madh ne Europë, 7.5.
Unë si president ia kam plotësuar çdo dëshirë si trajnerit, si drejtorit sportiv, i kam thënë do flasim në qershor bashkë. Para disa minutash më mori në telefon drejtori sportiv dhe më kërkoi diçka, i thashë mos më thuaj mua fare, ti vendos dhe unë e bëj. Në qoftë se nuk dalim në Europë, të dy janë të dështuar”, ishin fjalët e thëna për RTSH vetëm dy muaj më parë të Demit.
Situata ka ndryshuar plotësisht nga ajo periudhë dhe tani Partizani e sheh veten jashtë “Final Four” dhe me mundësinë reale që të mbetet jashtë Europës edhe nëse e arrin atë, pasi Dinamo mund të shkojë atje nëpërmjet Kupës. Kësisoj, ai paralajmërim i presidentit pritet të sjellë revolucionin e radhës te të kuqtë në verë ku duket qartësisht se askush nuk e ka vendin e sigurt.
