“
Janë aktualisht 7 efektivë të pezulluar nga vetë Policia e Shtetit, të cilët i janë shtruar hetimit nga Agjencia e...
SPORT
Sandro Wagner shkarkohet nga Augsburg, pas vetëm 5 muajsh
PiranjatPërditësimi i fundit 2 Dhjetor 2025, 12:35
Sandro Wagner nuk është më trajner i Augsburgut. Ish-sulmuesi, 38 vjeç, kishte qenë nën kontratë me FCA vetëm për pesë muaj, e cila njoftoi të hënën në një deklaratë se ishin ndarë "me marrëveshje të ndërsjellë" me trajnerin 38-vjeçar, pavarësisht një kontrate që skadonte deri në vitin 2028.
“Gjatë diskutimeve pas ndeshjes në Hoffenheim (një humbje 3-0 të shtunën), kuptuam se na mungonte bindja dhe besimi i nevojshëm për të arritur një kthesë në situatën aktuale”, tha drejtori ekzekutiv i FC Augsburg, Michael Ströll.
“Ne donim të ndryshonim shumë gjëra së bashku, por për fat të keq, nuk kemi arritur ta bëjmë siç shpresonim në këtë periudhë të shkurtër kohore”, u shpreh Sandro Wagner.
Mbrojtja më e dobët në Bundesligë
Augsburg ndodhet vetëm në vendin e 14-të në Bundesligë me vetëm 10 pikë. Nën drejtimin e Sandro Wagner, Augsburg ka përjetuar nisjen më të keqe të sezonit që nga viti 2011, viti i ngjitjes në Bundesligë. Duke pësuar 27 gola në 12 ndeshje, klubi “krenohet” me mbrojtjen më të dobët në ligën gjermane.
Ndihmës i trajnerit të kombëtares gjermane Julian Nagelsmann nga shtatori 2023 deri në qershorin e kaluar, ai u largua nga Mannschaft për në FC Augsburg, në përvojën e tij e parë si trajner i Bundesligës.
Manuel Baum, i cili më parë drejtoi klubin midis viteve 2016 dhe 2019, do të marrë përsipër detyrën e trajnerit të përkohshëm deri në pushimet dimërore. Ndeshja e radhës e Augsburg është të shtunën (15:30) në shtëpi kundër Bayer Leverkusen.
