Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
SPORT
Levandovski bëhet objektivi kryesor i gjigantëve turq, mundësi alternative është Muriqi dhe sulmuesi i Dortmundit
PiranjatPërditësimi i fundit 2 Qershor 2026, 13:44
Robert Levandovski ende nuk ka vendosur për destinacionin e tij të ardhshëm, me interesin që vazhdon të rritet rreth sulmuesit të Barcelonës përpara largimit të tij këtë verë. Sulmuesit polak i skadon kontrata me blaugranat në fund të qershorit dhe tashmë i ka thënë lamtumirë klubit, por ende nuk e ka konfirmuar lëvizjen e tij të ardhshme.
Eksperti i merkatos, Fabricio Romano raporton se gjigandët turq, Fenerbahçe e kanë gati propozimin për 37-vjeçarin.
Skuadra e Stambollit po planifikon një lëvizje të rëndësishme për një sulmues të nivelit të lartë këtë verë, me Levën që mbetet në listën e tyre të objektivave, megjithëse bindja e tij konsiderohet e vështirë. Fenerbahçe po shqyrton gjithashtu mundësi alternative, duke përfshirë Vedat Muriqin e Majorkës dhe sulmuesin e Borusia Dortmund, Serhou Girasi, të dy të parë si transferime më realiste.
Sezoni i fundi i polakut te Barcelona e pa atë të shënonte 19 gola dhe të jepte katër asiste në 46 paraqitje, duke nënvizuar ndikimin e tij të vazhdueshëm në nivelin më të lartë pavarësisht pasigurisë për të ardhmen e tij.
