Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SPORT
Statistikat/ Shqipëria ka 81% shanse për Play-Off-in e Botërorit, ja si paraqitet situata e Kosovës
PiranjatPërditësimi i fundit 17 Tetor 2025, 11:20
Sipas të dhënave më të fundit të publikuara nga Football Meets Data, shanset e ekipeve për të marrë pjesë në Play Off-in e Kupës së Botës kanë pësuar disa ndryshime të rëndësishme me Shqipërinë në ngritje dhe Serbinë në rënie.
Shqipëria renditet me një probabilitet 81% për të qenë pjesë e fazës Play Off, një rritje prej +2% krahasuar me përditësimin e mëparshëm.
Ky progres reflekton formën pozitive të kuqezinjve në ndeshjet e fundit, ku spikat fitorja ndaj Serbisë.
Në anën tjetër Serbia ka parë një ulje të lehtë në vlerësimin e saj, aktualisht me 19% shanse për t’u kualifikuar, që përfaqëson një rënie prej -2%.
Kjo pasqyron vështirësitë që skuadra serbe ka hasur së fundmi në rezultate dhe stabilitet loje, duke e bërë më të komplikuar rrugën drejt një bilete për në Play Off.
Vendimtare do të jenë sfidat e muajit nëntor, veçanërisht ndeshja mes Anglisë dhe Serbisë si dhe transferua e kuqezinjve në Andorra.
Në përgjithësi, panorama e rajonit tregon një dominim të vendeve të Europës Lindore dhe Ballkanit në garën për vendet e mbetura, me ekipe si Rumania (99.6%), Hungaria (90%) dhe Moldova (75%) që gjithashtu po luftojnë për të qenë në fazën Play Off.
Kosova ka 74%, edhe pse në fakt është në pozicion shumë të favorshëm.
