Pas deklaratave skandaloze të kreut të qeverisë shqiptare gjatë ditës së sotme, ka reaguar Partia Demokratike.
Sipas zëdh&...
SPORT
Tiranathlon, kufizohet qarkullimi në disa akse të Tiranës
PiranjatPërditësimi i fundit 27 Shtator 2026, 08:36
Sot pranë Liqenit të Farkës zhvillohet gara e notit, çiklizmit dhe vrapimit “Tiranathlon”, aktivitet që do të sjellë kufizime të përkohshme në qarkullimin e mjeteve.
Qarkullimi do të jetë i kufizuar nga ora 08:00 deri në 13:00 në disa akse të kryeqytetit, nga zona e Farkës dhe TEG-ut deri në Shkozë.
Bashkia e Tiranës ka publikuar planin e masave për zhvillimin e aktivitetit. Rrugët dhe segmentet ku do të kufizohet qarkullimi janë:
Rruga “Dajti”, nga kryqëzimi me rrugën “Xhelal Molla” deri te kryqëzimi me rrugën e “Vrapëve”, përfshirë edhe rrugën “Dëshmorët e Helikopterëve”.
Bulevardi “Zhan D’Ark” dhe Bulevardi “Bajram Curri”, në segmentin nga ura e Shkozës deri te kryqëzimi me rrugën “Selman Riza” dhe rrugën “Kastriot Feska”. Rruga interurbane kryesore, në segmentin TEG–Ura e Shkozës. Segmenti i Unazës së Madhe të qytetit, nga nyja e “Rrethrrotullimit të Freskut” deri në TEG. Devijimi i automjeteve do të bëhet në drejtim të “Rrethrrotullimit të Freskut”, me dalje në rrugën “Xhanfize Keko”.
Ndryshime do të ketë edhe në itineraret e disa linjave urbane.
Linja Nr. 10/A “Materniteti i Ri – Qendër – Ish-Fusha e Aviacionit” do të devijohet përkohësisht te Ura e Brrylit, ndërsa linja Nr. 10/C “Rrethrrotullimi Shkozë – Ish-Fusha e Aviacionit” do të pezullohet përkohësisht. Qarkullimi i mjeteve të emergjencës dhe Policisë së Shtetit do të vijojë normalisht në të gjitha itineraret e mësipërme.
