Janë publikuar rezultatet e provimit të Gjuhës Shqipe dhe Lehtësisë për Maturën 2026.
Sipas njoftimit, maturantët tas...
SPORT
Vdekja tragjike e Diogo Jotës, zbulohet mesazhi i fundit i partneres: Më telefono, dua të të tregoj diçka
PiranjatPërditësimi i fundit 3 Prill 2026, 15:39
Bashkëshortja e futbollistit të ndjerë Diogo Jota ka zbuluar mesazhin e fundit që i kishte dërguar atij pak çaste para aksidentit tragjik, detaj që vjen përmes një biografie të re kushtuar yllit portugez.
Sipas autoriteteve spanjolle, aksidenti dyshohet të ketë ndodhur kryesisht për shkak të shpejtësisë. Në momentin e ngjarjes, Jota udhëtonte së bashku me vëllain e tij, Andre Silva, drejt Santanderit për të kapur një traget drejt Mbretërisë së Bashkuar. Ai kishte shmangur udhëtimin me avion pas një ndërhyrjeje në mushkëri.
Biografia zyrtare, e shkruar nga ish-futbollisti Jose Manuel Delgado, mban titullin Nunca Mais e Muito Tempo (“Kurrë më nuk është një kohë e gjatë”) dhe pritet të publikohet më 9 prill në Portugali.
Botuesit e përshkruajnë librin si një rrëfim emocional dhe të ndjerë, që i bën homazh jetës dhe trashëgimisë së Jotës, jo vetëm si futbollist i nivelit të lartë, por edhe si njeri.
Në një intervistë për mediat portugeze, prezantuesja Isabel Figueira tregoi se pjesa më prekëse lidhet me mesazhet e fundit të bashkëshortes së tij, Rute, të cilat ai nuk arriti kurrë t’i lexonte. Ajo rrëfen se, pasi kishte marrë videon e dasmës së tyre, i kishte shkruar: “Dashuria ime, kur të ndalesh më telefono, sepse kam diçka për të të treguar”, pa e ditur se ai nuk do ta shihte kurrë këtë mesazh.
